ବଲାଙ୍ଗିର: ଶ୍ରାବଣ ସରିବାକୁ ବସିଲାଣି। କିନ୍ତୁ ବଲାଙ୍ଗିରରେ ଆରମ୍ଭ ହୋଇନି ରୁଆ ବେଉଷଣ କାମ। ଶ୍ରାବଣ ମାସ ବେଳକୁ ଯେତେ ବର୍ଷା ହେବା କଥା ତା’ଠାରୁ ଢେର୍ କମ୍ ବର୍ଷା ହୋଇଛି ଜିଲ୍ଳାରେ। ଜିଲ୍ଳାର ପ୍ରାୟ ୭୦ ଭାଗ ଜମି ଏବେ ବି ପଡିଆ ରହିଛି। ପଡିଆ ଜମିରେ ଏବେ ଆଉ ଚାଷ କାମ ହେବାର ସମ୍ଭାବନା ଢେର୍ କମ୍। ଫଳରେ ଜିଲ୍ଳାରେ ଆଗକୁ ଦେଖା ଦେବାକୁ ଥିବା ସମ୍ଭାବ୍ୟ ମରୁଡି ପରିସ୍ଥିତିର ମୁକାବିଲା କରିବା ପାଇଁ ଜିଲ୍ଳା ପ୍ରଶାସନ ଓ କୃଷି ଅଧିକାରୀଙ୍କ ସହିତ ସମୀକ୍ଷା କରିଛନ୍ତି ବଲାଙ୍ଗିର ସାଂସଦ କଳିକେଶ ନାରାୟଣ ସିଂହଦେଓ।
ସ୍ଥାନୀୟ ସର୍କିଟ ହାଉସ୍ ଅନୁଷ୍ଠିତ ଏହି ସମୀକ୍ଷା ବୈଠକରେ ବଲାଙ୍ଗିର ଜିଲ୍ଳାପାଳ ଏମ୍.ମୁଥୁକୁମାର, ଜିଲ୍ଳା କୃଷି ଅଧିକାରୀ ମନୋରଂଜନ ମଲ୍ଳିକଙ୍କ ସହିତ ଜିଲ୍ଳା ପ୍ରଶାସନ ଓ କୃଷି ଓ ଜଳସେଚନ ବିଭାଗର ବହୁ ବରିଷ୍ଠ ଅଧିକାରୀ ଯୋଗ ଦେଇଥିଲେ। ରାଜ୍ୟ ସରକାରଙ୍କ ସହିତ ଆଲୋଚନା କରି ସମ୍ଭାବ୍ୟ ମରୁଡି ପରିସ୍ଥିତିର ମୁକାବିଲା କରାଯିବ ବୋଲି କହିଛନ୍ତି ସାଂସଦ। ସେପଟେ ମରୁଡିର ମୁକାବିଲା ପାଇଁ କଣ୍ଟିନେଣ୍ଟ ପ୍ଲାନ୍ ରାଜ୍ୟ ସରକାରଙ୍କ ପାଖକୁ ପଠାଇ ଦିଆଯାଇଛି ବୋଲି କହିଛନ୍ତି ଜିଲ୍ଳା କୃଷି ଉପ-ନିର୍ଦ୍ଦେଶକ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
