ଜିଲ୍ଲା ପରିଷଦ ସଭ୍ୟଙ୍କ ଗାଡ଼ି ଉପରକୁ ବୋମାମାଡ଼

ଯାଜପୁର (ଅଭୟ ପତି): ଯାଜପୁର ସୁକିନ୍ଦାରେ ଜଣେ ଜିଲ୍ଲା ପରିଷଦ ସଭ୍ୟଙ୍କ ଗାଡ଼ି ଉପରକୁ ବୋମାମାଡ଼ କରାଯାଇଥିବା ଅଭିଯୋଗ ହୋଇଛି। ତାଙ୍କ ନାଁ ସରୋଜିନୀ ରାଜ୍‌। ସେ ସୁକିନ୍ଦା ୩୯ ନମ୍ବର ଜୋନ୍ ଜିଲ୍ଲା ପରିଷଦ ସଭ୍ୟ ଅଛନ୍ତି।

ବୋମାମାଡ଼ରେ ସରୋଜିନୀ ସାମାନ୍ୟ ଆହତ ହୋଇଥିବା ବେଳେ ତାଙ୍କ ଗାଡ଼ିର କିଛି ଅଂଶ କ୍ଷତିଗ୍ରସ୍ତ ହୋଇଛି।

ଗତକାଲି ସରୋଜିନୀ ହରିପୁରରେ ନିର୍ବାଚନ ପ୍ରଚାର ସାରି ଫେରୁଥିବା ବେଳେ ଏହି ବୋମାମାଡ଼ ହୋଇଥିଲା। ରାଜନୈତିକ ଆକ୍ରୋଶ ରଖି ତାଙ୍କ ଉପରେ ଆକ୍ରମଣ କରାଯାଇଥିବା ସରୋଜିନୀ ତାଙ୍କ ଏତଲା ଦର୍ଶାଇଛନ୍ତି। ପୁଲିସ୍ ଘଟଣାର ତଦନ୍ତ କରୁଛି।