ସଇତାନ ସାବତ ମାଆ: ଡେରିରେ ଘରକୁ ଫେରିଲା ବୋଲି ନାବାଳିକା ଝିଅର ଗୁପ୍ତାଙ୍ଗରେ…

<p>ବ୍ରହ୍ମପୁର (ଓଡ଼ିଶା ରିପୋର୍ଟର): ନିଜ ପେଟର ଝିଅ ହୋଇନଥିବାରୁ ସେ ଭୁଲିଗଲା ତା&rsquo; ମାଆ ପଣିଆ। ଭୁଲିଗଲା ଛୋଟ ଝିଅଟିଏ ସହ କେମିତି ବ୍ୟବହାର କରିବା ଉଚିତ। ଗଞ୍ଜାମ ଜିଲ୍ଲାରେ ଦେଖିବାକୁ ମିଳିଛି ଜଣେ ସାବତ ମାଆର ଅମାନବୀୟ ବ୍ୟବହାର। ଏକ ଛୋଟିଆ କାରଣକୁ ନେଇ ସାବତ ମାଆ ଜଣକ ତା&rsquo; ନାବାଳିକା ଝିଅର ଦେହସାରା ଗରମ ଲୁହାର ଚେଙ୍କ ଦେଇଛି। ଏପରିକି ତା&rsquo; ଗୁପ୍ତାଙ୍ଗରେ ବି ଚେଙ୍କ ଦେଇଛି। ଏ କଥା ସାବତ ମାଆ ସ୍ୱୀକାର ମଧ୍ୟ କରିଛି।</p> <p>&lt;a href=&quot;&quot;&gt;(image) &lt;/a&gt;</p> <p>ଗତ ୧୧ ତାରିଖ ସନ୍ଧ୍ୟାର ଘଟଣା। ନାବାଳିକା ଜଣକ ସିଲେଇ ଶିକ୍ଷା ଗ୍ରହଣ କରି ଘରକୁ ଫେରିଥିଲେ। ଫେରିବାରେ ଟିକେ ବିଳମ୍ୱ ହୋଇଥିଲା। ଏଥିରେ ରାଗି ଗଲେ ସାବତ ମାଆ। କିଛି ମହିଳାଙ୍କ ସହିତ ମିଶି ନାବାଳିକାଙ୍କ ହାତ ଓ ଗୋଡ଼ ବାନ୍ଧି ପକାଇ ଥିଲେ। ପରେ ନାବାଳିକାଙ୍କ ଶରୀର ବିଭିନ୍ନ ସ୍ଥାନରେ ଚେଙ୍କ ଦେଇଥିଲେ। ଚେଙ୍କ ଦିଆଯାଉଥିବା ବେଳେ ନାବାଳିକା ଜଣକ ଚିତ୍କାର କରୁଥିଲେ। ମାତ୍ର ତାଙ୍କ ଚିତ୍କାର ସଭ୍ୟ ସମାଜରେ ପଡ଼ୁଥିଲେ ମଧ୍ୟ କେହି ପ୍ରତିବାଦ କରୁନଥିଲେ। ଜନ୍ମ କଲା ମାଆ ନଥିବାରୁ ନାବାଳିକା ଜଣକ ନିର୍ଯାତନା ପାଇଁ ଗୁମୁରି କାନ୍ଦୁ ଥିଲା। ସେହି ରାତିରେ ଘଟଣା ପ୍ରଘଟ ହେଲା। ତା&rsquo;ପର ଦିନ ସକାଳେ ଅର୍ଥାତ ୧୨ ତାରିଖରେ ଚାଇଲ୍ଡ ଲାଇନ୍&zwnj; କର୍ମକର୍ତ୍ତା ଓ ପୋଲିସ ଗାଁରେ ପହଞ୍ଚି ପରିବାର ଲୋକଙ୍କୁ ପଚରାଉଚରା କରିଥିଲେ। ମାତ୍ର ଚେଙ୍କ ସମ୍ପର୍କରେ ନାବାଳିକାଙ୍କ ପରିବାର ଲୋକେ ମୁହଁ ଖୋଲି ନଥିଲେ। ବୁଝାସୁଝା ପରେ ସେମାନେ ଘଟଣା ସମ୍ପର୍କରେ କହିଥିଲେ। ତା&rsquo;ପରେ ନାବାଳିକାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ବ୍ରହ୍ମପୁର ବଡ଼ ମେଡ଼ିକାଲରେ ଭର୍ତ୍ତି କରାଯାଇଥିଲା। ଏହି ଘଟଣାରେ ପୋଲିସ ସାବତ ମାଆଙ୍କ ସମେତ ୬ ଜଣ ମହିଳାଙ୍କୁ ଅଟକ ରଖି ତଦନ୍ତ ଚଳାଇଛି। ଏହି ଅମାନବୀୟ ଘଟଣାରେ ଯେଉଁମାନେ ସମ୍ପୃକ୍ତ ଅଛନ୍ତି, ସେମାନଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଅତିରିକ୍ତ ଏସ୍&zwnj;ପି ଶାନ୍ତନୁ କୁମାର ଦାସ କହିଛନ୍ତି।</p> <p>https://youtu.be/KI6R3N56--k</p>