ଫେବୃଆରୀ ତୃତୀୟ ସପ୍ତାହରେ ଆସିପାରେ ବଜେଟ୍‌: ଏଥର ରହିବ ବହୁ ଚ୍ୟାଲେଞ୍ଜ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ସାଧାରଣ ନିର୍ବାଚନ ପୂର୍ବରୁ ଶେଷ ପୂର୍ଣ୍ଣାଙ୍ଗ ବଜେଟ୍ ପାଇଁ ସରକାର ପ୍ରସ୍ତୁତି ଆରମ୍ଭ କରି ଦେଇଛନ୍ତି। ସାମାଜିକ କଲ୍ୟାଣ ଯୋଜନା ଜାରି ରଖିବା ସହ ନିର୍ବାଚନକୁ ଦୃଷ୍ଟିରେ ରଖି ଭୋଟରଙ୍କୁ ଆକୃଷ୍ଟ କରିବାକୁ ନୂଆ ଯୋଜନା ଆଣିବା ସରକାରଙ୍କ ପାଇଁ ଏଥର ଚାଲେଞ୍ଜ ହୋଇପାରେ। ଏସବୁ ଚ୍ୟାଲେଞ୍ଜକୁ ସାମ୍ନା କରିବାକୁ ଆଜି ପ୍ରାକ୍ ବଜେଟ୍ ପ୍ରସ୍ତୁତି ବୈଠକରେ ରୂପରେଖ ନିର୍ଦ୍ଧାରଣ କରାଯାଇଛି। ଏଥର ବଜେଟ୍&zwnj;ର କଳେବର ବଢି ୧ଲକ୍ଷ ୨୦ ହଜାର କୋଟି ଟଙ୍କା ଛୁଇଁପାରେ ବୋଲି ଆଶା କରାଯାଉଛି।</p><p>୨୦୧୮-୧୯ ଆର୍ଥିକ ବର୍ଷ ପାଇଁ କ&rsquo;ଣ ହେବ ବଜେଟ୍&zwnj;ର ରୂପରେଖ? କେଉଁ କ୍ଷେତ୍ରକୁ ଅଧିକ ଗୁରୁତ୍ୱ ଦେବେ ସରକାର? କ&rsquo;ଣ ଆସିବ ନୂଆ ସ୍କିମ୍? ଏସବୁ ନେଇ ଚାଲିଛି ବୈଠକରେ ମାନସ ମନ୍ଥନ କରାଯାଇଛି। ଏଥିରେ ଅର୍ଥମନ୍ତ୍ରୀ, ସଚିବ, ପୂର୍ବତନ ଅର୍ଥମନ୍ତ୍ରୀଙ୍କ ସମେତ ବିଶେଷଜ୍ଞମାନେ ବି ଉପସ୍ଥିତ ଥିଲେ। ଏଥର ଫେବୃଆରୀ ତୃତୀୟ ସପ୍ତାହରେ ବଜେଟ୍ ଆସିପାରେ।</p><p>ଆଗକୁ ସାଧାରଣ ନିର୍ବାଚନ ଥିବାରୁ ଭୋଟରଙ୍କୁ ଆକୃଷ୍ଟ କରିବାକୁ ନିମ୍ନ ମଧ୍ୟବିତ୍ତଙ୍କଠୁ ଆରମ୍ଭ କରି&nbsp; ବିଭିନ୍ନ ବର୍ଗର ଲୋକଙ୍କ ପାଇଁ ନୂଆ ସ୍କିମ୍ ଆଣିପାରନ୍ତି ରାଜ୍ୟ ସରକାର। ଏହାସହ ଚାଲୁ ରହିଥିବା ସ୍କିମ୍&zwnj;କୁ ଜାରି ରଖିବା ଓ ତାକୁ ଠିକ୍ ଭାବେ କାର୍ଯ୍ୟକାରୀ କରିବା ଉପରେ ବଜେଟ୍&zwnj;ରେ ବିଶେଷ ଗୁରୁତ୍ୱ ଦିଆଯାଇପାରେ।</p><p>&lt;span style=&quot;color: #ff0000;&quot;&gt;ରହିବ ଚ୍ୟାଲେଞ୍ଜ&lt;/span&gt;</p><p>ସେ ଯାହା ହେଉ, ବଜେଟ୍ ପ୍ରସ୍ତୁତି ପାଇଁ ରାଜ୍ୟ ସରକାରଙ୍କ ଆଗରେ ବହୁ ଚ୍ୟାଲେଞ୍ଜ ରହିବ।&nbsp; ନିଜସ୍ୱ ଖାଦ୍ୟ ସୁରକ୍ଷା ଆଇନ, ଓଡିଶା ଭାଷା ସଂସ୍କୃତି, ସରକାରୀ କର୍ମଚାରୀଙ୍କୁ ନୂଆ ଦରମାର ବକେୟା, ଆନ୍ଦୋଳନ କରି ଆସୁଥିବା ଶିକ୍ଷକ, ଷ୍ଟାଫ୍ ନର୍ସ, ଅଙ୍ଗନବାଡି କର୍ମୀ ଓ ଅନ୍ୟ କର୍ମଚାରୀଙ୍କ ପାଇଁ&nbsp; ମଧ୍ୟ ବଜେଟ୍&zwnj;ରେ ବ୍ୟବସ୍ଥା କରିବାକୁ ପଡ଼ିବ। ଏହାପରେ ବନ୍ଦ ଥିବା ଖଣି ଖୋଲିବା, ଜିଏସ୍&zwnj;ଟିରେ ଦେଖାଦେଇଥିବା ଅସ୍ଥିରତା ଦୂର, କମ୍ପାନୀଙ୍କ ପାଖରେ ପଡି ରହିଥିବା ଟିକସ୍ ଆଦାୟ ପ୍ରଭୃତି ଚ୍ୟାଲେଞ୍ଜ ହୋଇପାରେ।</p><p>କେନ୍ଦ୍ର ସରକାର ଫେବୃୟାରୀ ପ୍ରଥମ ସପ୍ତାହରେ ବଜେଟ୍&zwnj; ଆଣିବେ। କେନ୍ଦ୍ର ବଜେଟ୍&zwnj;ରେ ରାଜ୍ୟକୁ କ&rsquo;ଣ ମିଳୁଛି ଦେଖିବା ପରେ ଫେବୃୟାରୀ ତୃତୀୟ ସପ୍ତାହରେ ରାଜ୍ୟ ସରକାର ବଜେଟ୍ ଉପସ୍ଥାନ କରିବାର ସମ୍ଭାବନ ରହିଛି।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।