ଶିଳ୍ପସଂସ୍ଥା ଟଙ୍କାରେ ମହାନଦୀ ଉପରେ ନିର୍ମାଣ ହୋଇଛି ବ୍ୟାରେଜ; ଛତିଶଗଡ଼ ମନ୍ତ୍ରୀଙ୍କ ବିସ୍ଫୋରକ ବୟାନ

ଭୁବନେଶ୍ୱର: ବିଭିନ୍ନ ଶିଳ୍ପସଂସ୍ଥାଠାରୁ ଟଙ୍କା ଆଣି ମହାନଦୀ ଉପର ମୁଣ୍ଡରେ ବ୍ୟାରେଜ୍ ନିର୍ମାଣ କରିଛନ୍ତି ଛତିଶଗଡ଼ ସରକାର। ଏଭଳି ଚାଞ୍ଚଲ୍ୟକର ତଥ୍ୟ ଦେଇଛନ୍ତି ଛତିଶଗଡ଼ର ବାଣିଜ୍ୟ ଓ ଉଦ୍ୟୋଗ ମନ୍ତ୍ରୀ ଅମର ଅଗ୍ରୱାଲ।

ବୁର୍ଲାରେ ବିଜେପିର ‘ସବକା ସାଥ ସବ୍‌କା ବିକାଶ’ କାର୍ଯ୍ୟକ୍ରମ ଅବସରରେ ଅମର ଅଗ୍ରୱାଲ ଗଣମାଧ୍ୟମକୁ ଏହି ସୂଚନା ଦେଇଛନ୍ତି। ସେ କହିଛନ୍ତି ଯେ ବିଭିନ୍ନ ଶିଳ୍ପସଂସ୍ଥାଠୁ ୧୫ ବର୍ଷ ପାଇଁ ଅଗ୍ରୀମ ଜଳକର ଅଣାଯାଇଛି। ଶିଳ୍ପସଂସ୍ଥା ଟଙ୍କାରେ ରାଜ୍ୟରେ ୩-୪ଟି ବ୍ୟାରେଜ୍ ନିର୍ମାଣ ହୋଇଛି। ତେବେ କାହିଁକି ଜଳସ୍ତର କମୁଛି, ସେନେଇ ବିଶେଷଜ୍ଞ କମିଟି ଗଠନ କରି ଓଡ଼ିଶା ସରକାର ଯାଞ୍ଚ କରନ୍ତୁ ବୋଲି କହିଛନ୍ତି।