ପିଲାଙ୍କ କାର୍ଯ୍ୟକ୍ରମରେ ପଲିଟିକାଲ୍‌ ଟଚ୍‌: ଶିଶୁଦିବସରେ ବିତର୍କ ବିଷୟକୁ ନେଇ ପ୍ରଶ୍ନ ଉଠାଇଲେ ଅଭିଭାବକ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଶିଶୁ ଦିବସରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଷ୍ଟାଇଲରେ ମନ କଥା କହିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ତା&rsquo;ପୂର୍ବରୁ ଆଜି ଟ୍ୱିଟ୍ କରି ଛାତ୍ରଛାତ୍ରୀଙ୍କୁ ନିମନ୍ତ୍ରଣ କରିଛନ୍ତି। ଏଥିରେ &ldquo;ଆମେ ପଢିବୁ, ଗଢିବୁ...ଶ୍ରେଷ୍ଠ ହେବୁ&rdquo; ସ୍ଲୋଗାନ ଦେଇଛନ୍ତି ମୁଖ୍ୟମନ୍ତ୍ରୀ। ତେବେ ପିଲାମାନଙ୍କ ପାଇଁ ଏସବୁ ଆୟୋଜନକୁ ସହଜରେ ଗ୍ରହଣ କରିପାରୁ ନାହାନ୍ତି ଅଭିଭାବକ। ଶିଶୁ ଦିବସରେ ସ୍କୁଲରେ ଆୟୋଜନ ହେବାକୁ ଥିବା ବକ୍ତୃ&lt;a href=&quot;&quot;&gt;(image) &lt;/a&gt;ତା ପ୍ରତିଯୋଗିତାରେ &ldquo;ଆମ ସରକାର ଆମ ବିକାଶ&rdquo; ଓ &ldquo;ମୁଖ୍ୟମନ୍ତ୍ରୀଙ୍କୁ ମିଳିଲା ସର୍ବଶ୍ରେଷ୍ଠ ପ୍ରଶାସକ ପୁରସ୍କାର&rdquo; ବିଷୟକୁ ସାମିଲ କରାଯିବାକୁ ଅବିଭାବକ ନାପସନ୍ଦ କରିଛନ୍ତି। କେବଳ ରାଜନୈତିକ ଉଦ୍ଦେଶ୍ୟରେ ଏହା କରାଯାଇଥିବା ସେମାନେ ଅଭିଯୋଗ କରିଛନ୍ତି।</p> <p>ଅଭିଭାବକ ଜ୍ୟୋତିର୍ମୟୀ ପଣ୍ଡା କହିଛନ୍ତି-&ldquo;ଜୀବଯନ୍ତୁ ଉପରେ ବକ୍ତୃତା ପ୍ରତିଯୋଗିତା ହୋଇଥିଲେ, ଏହାର ପ୍ରଭାବ ପିଲାମାନଙ୍କ ଉପରେ ପଡ଼ିଥାନ୍ତି। ମାତ୍ର ମୁଖ୍ୟମନ୍ତ୍ରୀଙ୍କୁ ମିଳିଲା ସର୍ବଶ୍ରେଷ୍ଠ ପ୍ରଶାସକ ପୁରସ୍କାର ଉପରେ ତର୍କ ରଖିଲେ ପିଲାମାନେ କଣ ଶିଖିବେ?&rdquo;</p> <p>ଅଭିଭାବକ ଶେଖ୍ ପିର ବକ୍ସ କହିଛନ୍ତି-&ldquo;ପିଲାମାନଙ୍କୁ ପାଠ ପଢ଼ାଯାଉ। ମାତ୍ର ସରକାର ତାହା ନକରି ନିଜ ପ୍ରଚାର ପାଇଁ ଏପରି ସବୁ କାର୍ଯ୍ୟକ୍ରମ ଆୟୋଜନ କରୁଛନ୍ତି।&rdquo;</p> <p>ଶିଶୁ ଦିବସ ସମାରୋହକୁ ସଫଲ କରିବା ଲାଗି ଭୁବନେଶ୍ୱର କ୍ୟାପିଟାଲ୍ ହାଇସ୍କୁଲ୍ ପରିସରରେ ଚାଲିଛି ଜୋରଦାର ପ୍ରସ୍ତୁତି। ସ୍କୁଲ ଓ ଗଣଶିକ୍ଷା, ପୂର୍ତ୍ତ, ଗୃହ ଓ ନଗର ଉନ୍ନୟନ, ବିଡିଏ ଓ ବିଏଏମ୍&zwnj;ସି ଅଧିକାରୀଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ କାର୍ଯ୍ୟକ୍ରମର ରୂପରେଖ ପ୍ରସ୍ତୁତ କରାଯାଉଛି। ଦିନ ୧୧.୧୫ରୁ ୧୨ ଟାଏ ମୁଖ୍ୟମନ୍ତ୍ରୀ ଅଭିଭାଷଣ ଦେବେ। ଏହାକୁ ଗଣମାଧ୍ୟମ ଓ ସୋସିଆଲ୍ ମିଡିଆରେ ସିଧା ପ୍ରସାରଣ ଲାଗି ବ୍ୟବସ୍ଥା କରାଯାଉଛି।</p> <p>ପୂର୍ତ୍ତ ବିଭାଗ ସୁପରିଣ୍ଟେଣ୍ଡିଂ ଇଞ୍ଜିନିୟର ରଞ୍ଜିତ କୁମାର ସାହୁ କହିଛନ୍ତି-&ldquo;ଶିଶୁ ଦିବସ ଅବସରରେ ହେବାକୁ ଥିବା କାର୍ଯ୍ୟକ୍ରମ ପାଇଁ ୩୦,୦୦୦ ସ୍କୋୟାରଫୁଟ୍&zwnj;ର ଟେଣ୍ଟ୍&zwnj; କରାଯାଇଛି। ଏଥିରେ ୬୦୦୦ ପିଲା ବସିବାର ବ୍ୟବସ୍ଥା କରାଯାଇଛି। ଏଥିପାଇଁ ଅଗ୍ନିନିରାପତ୍ତା, ପାଇଖାନା ଓ ପାନୀୟର ବ୍ୟବସ୍ଥା କରାଯାଇଛି।&rdquo;</p> <p>ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଏହି ମୋଦି ଷ୍ଟାଇଲ୍ ଫର୍ମୁଲା କାମ ଦେବନି ବୋଲି କହିଛନ୍ତି ବିରୋଧୀ। ରାଜ୍ୟରେ ବହୁ ମହାମନିଷୀ ଥିବା ବେଳେ ନବୀନ ନିଜ ଟେକ ପାଇଁ ସ୍କୁଲ୍ ଛାତ୍ରଛାତ୍ରୀଙ୍କ ମଧ୍ୟରେ ପ୍ରତିଯୋଗିତା କରାଇବା ନିନ୍ଦନୀୟ ବୋଲି ବିଜେପ ଓ କଂଗ୍ରେସ କହିଛନ୍ତି।</p> <p>https://youtu.be/RpLeL3Ur_4k</p> <p>ବରିଷ୍ଠ କଂଗ୍ରେସ ନେତା ନିରଞ୍ଜନ ପଟ୍ଟନାୟକ କହିଛନ୍ତି-&ldquo;ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୧୭ ବର୍ଷ ଧରି ଶାସନ କରୁଛନ୍ତି। କେବେହେଲେ ପିଲାମାନଙ୍କ କଥା ମନେ ପଡ଼ୁନଥିଲା। ଏବେ ପିଲା ଓ ଶ୍ରମିକଙ୍କ କଥା ମନେ ପଡ଼ୁଛି। ପବ୍ଲିସିଟି ପାଇବା ପାଇଁ ଦିଲ୍ଲୀରେ ମୋଦି ଓ ଓଡ଼ିଶା ନବୀନବାବୁ ଚେଷ୍ଟା କରୁଛନ୍ତି।&rdquo;</p> <p>ବିଜେପି ସମ୍ପାଦିକା ଲେଖାଶ୍ରୀ ସାମନ୍ତ ସିଂହାର କହିଛନ୍ତି-&ldquo;ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଜାଣିସାରିଲେଣି ଓଡ଼ିଶାବାସୀଙ୍କ ସମର୍ଥନ ତାଙ୍କ ସହିତ&nbsp; ନାହିଁ। ସେଥିପାଇଁ ଛାତ୍ରଛାତ୍ରୀଙ୍କ ସହିତ ଯୋଡ଼ି ହେବାକୁ ଚେଷ୍ଟା କରୁଛନ୍ତି। ମାତ୍ର ଏଥିରେ ସେ ସଫଳ ହେବେନାହିଁ।&rdquo;</p> <p>ବିଜେଡି ନେତା ତେଜେଶ୍ୱର ପରିଡ଼ା କହିଛନ୍ତି-&ldquo;&lsquo;ଆମେ ପଢ଼ିବୁ ଗଢ଼ିବୁ... ଶ୍ରେଷ୍ଠ ହେବୁ&rsquo;କୁ ସଫଳ କରିବା ପାଇଁ ଯେଉଁମାନେ ଚାହୁଁ ନାହାନ୍ତି ସେମାନେ ଶିକ୍ଷା ବିରୋଧୀ। ସେମାନେ କେବେ ହେଲେ ଚାହୁଁ ନାହାନ୍ତି ଓଡ଼ିଶାରେ ଶିକ୍ଷା କ୍ଷେତ୍ରରେ ବିକାଶ ହେଉ।&rdquo;</p>