କଟକ(ଓଡ଼ିଶା ରିପୋର୍ଟର): ଚିଟ୍ଫଣ୍ଡ କେଳେଙ୍କାରୀର ତଦନ୍ତ କରୁଥିବା ଜଷ୍ଟିସ ଏମ୍.ଏମ୍. ଦାଶ କମିଶନ ଖୁବ୍ ଶୀଘ୍ର ତାଙ୍କର ସପ୍ତମ ଅନ୍ତରୀଣ ରିପୋର୍ଟ ପ୍ରଦାନ କରିବେ। ଏଥର କମିଶନ ମୋଟ ୨ ଲକ୍ଷ ୨୪ ହଜାର ୨୫୨ଟି ସତ୍ୟପାଠର ତର୍ଜମା କରିଛନ୍ତି। ଏଥିରେ ଥିବା ସମସ୍ତ କ୍ଷୁଦ୍ର ଜମାକାରୀଙ୍କୁ ଚିହ୍ନଟ କରି ଟଙ୍କା ଫେରସ୍ତ କରିବାକୁ କମିଶନ ସରକାରଙ୍କୁ ସୁପାରିସ କରିବେ।
କମିଶନ ଗଠନ ପରେ ପ୍ରଥମ ପର୍ଯ୍ୟାୟରେ ହସ୍ତଗତ ହୋଇଥିବା ୮ ଲକ୍ଷ ୧୭ ହଜାର ୨୫୩ଟି ସତ୍ୟପାଠର ତର୍ଜମା ଶେଷ ହୋଇଛି। ଏହାପରେ ତ୍ରୁଟିପୂର୍ଣ୍ଣ ଭାବେ ଦାଖଲ ହୋଇଥିବା ୭୯ ହଜାର ସତ୍ୟପାଠର କମିଶନ ପୁନଃ ଯାଞ୍ଚ ଆରମ୍ଭ କରିଛନ୍ତି। ପୂର୍ବରୁ କମିଶନ ଦାଖଲ କରିଥିବା ୬ଟି ଅନ୍ତରୀଣ ରିପୋର୍ଟରେ ୩ ଲକ୍ଷ ୬୧ ହଜାର ୮୧୭ ଜଣ କ୍ଷୁଦ୍ର ଜମାକାରୀଙ୍କୁ ଚିହ୍ନଟ କରି ଟଙ୍କା ଫେରସ୍ତ ପାଇଁ ସୁପାରିସ କରାଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
