କଟକ: ଚିଟ୍ଫଣ୍ଡ୍ ସଂସ୍ଥା ସାଫେକ୍ସ ଇନ୍ଫ୍ରା ଇଣ୍ଡିଆ ଲିମିଟେଡ୍ର ସଂପତ୍ତି ନିଲାମ ହୋଇପାରି ନାହିଁ। ଆଜି ୧୧ଟାରୁ ଅପରାହ୍ନ ୩ଟା ପର୍ଯ୍ୟନ୍ତ ନିଲାମୀ ସମୟ ଧାର୍ଯ୍ୟ ହୋଇଥିଲା। ତେବେ ଏହି ନିର୍ଦ୍ଧାରିତ ସମୟ ମଧ୍ୟରେ କେହି ବିଡର ଇ-ନିଲାମୀରେ ଭାଗ ନେଇ ନ ଥିଲେ।
ସାଫେକ୍ସ କମ୍ପାନୀର ଗଞ୍ଜାମ ଜିଲ୍ଲା ଛତ୍ରପୁର ଓ ପୁରୁଷୋତ୍ତମପୁରରେ ଥିବା ୧୪ ଏକରରୁ ଅଧିକ ଜମି ନିଲାମ କରାଯିବାକୁ ଧାର୍ଯ୍ୟ କରାଯାଇଥିଲା।ସାଫେକ୍ସ ଇନ୍ଫ୍ରା ଇଣ୍ଡିଆ ଛତ୍ରପୁରରେ ଏହାର ମୁଖ୍ୟ କାର୍ଯ୍ୟାଳୟ ଖୋଲି ରାଜ୍ୟର ବିଭିନ୍ନ ସ୍ଥାନରୁ କୋଟି କୋଟି ଟଙ୍କା ସଂଗ୍ରହ କରିଥିବା ଅଭିଯୋଗ ହୋଇଥିଲା। ଏହି ଅଭିଯୋଗରେ ସଂସ୍ଥାର ମୁଖ୍ୟ ଫିରୋଜ ଖାନ୍କୁ କ୍ରାଇମବ୍ରାଞ୍ଚ ଗିରଫ କରିଥିଲା।