ପୁରୀ ଲୋକନାଥ ପୀଠରେ ସେବାୟତ-କାଉଡ଼ିଆ ମୁହାଁମୁହିଁ

ପୁରୀ: ପାଣିଢ଼ଳାକୁ ନେଇ ପୁରୀ ଲୋକନାଥ ପୀଠରେ ଆଜି ସେବାୟତ ଓ କାଉଡ଼ିଆ ମୁହାଁମୁହିଁ ହୋଇଛନ୍ତି। ଫଳରେ ୨ଜଣ ଭକ୍ତ ଏବଂ ୫ ପୋଲିସ୍ କର୍ମଚାରୀ ଆହତ ହୋଇଛନ୍ତି।

ଏହି ଘଟଣାରେ ୩ ଜଣଙ୍କୁ ପୋଲିସ୍‌ ଅଟକ ରଖିଛି।

ଆଜି ଶ୍ରାବଣ ମାସର ତୃତୀୟ ସୋମବାର ହୋଇଥିବାରୁ କାଉଡିଆମାନେ ଲୋକନାଥ ପୀଠକୁ ପାଣି ଢାଳିବାକୁ ଆସିଥିଲେ। ତେବେ ସେବାୟତ ଓ କାଉଡିଆଙ୍କ ମଧ୍ୟରେ ପାଣି ଢଳା ପ୍ରସଙ୍ଗରେ  କୌଣସି କଥାକୁ ନେଇ ଯୁକ୍ତିତର୍କ ହୋଇଥିଲା। ପରେ ଉତ୍ତେଜନା ଦେଖାଦେଇଥିଲା।

ପୁରୀ ଏସପି  ଘଟଣା ସ୍ଥଳରେ ପହଞ୍ଚି ଘଟଣାର ଅନୁଧ୍ୟାନ କରିଛନ୍ତି। ସେ କହିଛନ୍ତି,“ସିସିଟିଭି ଯାଞ୍ଚ କରାଯିବ। ସିସିଟିଭି ଫୁଟେଜ୍‌ ଆଧାରରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।”