ଭୁବନେଶ୍ୱର(ଓଡ଼ିଶା ରିପୋର୍ଟର): ପୂର୍ବରୁ ଦଶମ ଓ ଦ୍ୱାଦଶ କ୍ଲାସ୍ ଖୋଲିଥିଲା। ଏବେ ଖୋଲିବ ୯ମ ଶ୍ରେଣୀ। ଅଗଷ୍ଟ ୧୬ ତାରିଖରୁ ଆରମ୍ଭ ହେବ ୯ମ ଶ୍ରେଣୀ କ୍ଲାସ। ସକାଳ ୯ଟାରୁ ଦିନ ୧୨ଟା ୩୦ ପର୍ଯ୍ୟନ୍ତ ଚାଲିବ କ୍ଲାସ। କୋଭିଡ୍ କଟକଣା ମଧ୍ୟରେ କ୍ଲାସ କରିବାକୁ ଗଣଶିକ୍ଷା ସଚିବଙ୍କ ଚିଠି ଲେଖିଛନ୍ତି।
ରବିବାର ଓ ସାଧାରଣ ଛୁଟି ଦିବସରେ ହେବନି କ୍ଲାସ। ଅଭିଭାବକ ଚାହିଁଲେ ପିଲାମାନେ ଅନ୍ଲାଇନ୍ କ୍ଲାସ୍ କରିପାରିବେ। ନବମ କ୍ଲାସ ଆରମ୍ଭ ସହ ଛାତ୍ରାବାସ ମଧ୍ୟ ଖୋଲିବ। ସଂପୂର୍ଣ୍ଣ କୋଭିଡ ଗାଇଡ୍ଲାଇନ ମଧ୍ୟରେ କ୍ଲାସ ଚାଲିବ ବୋଲି ଚିଠିରେ ଉଲ୍ଲେଖ ରହିଛି।
ସେପଟେ ଜୁଲାଇ ୨୬ ତାରିଖଠାରୁ ଖୋଲିଛି ଦଶମ ଓ ଦ୍ୱାଦଶ ଶ୍ରେଣୀ। ପିଲାମାନେ କୋଭିଡ୍ଲାଇନ୍ ଭିତରେ କ୍ଲାସ୍ କରୁଛନ୍ତି। ତେବେ ସ୍କୁଲ ଆସିବା ପିଲାମାନଙ୍କର ଇଚ୍ଛାଧୀନ ରହିଛି। ଅଭିଭାବକମାନଙ୍କ ସହ ଆଲୋଚନା କରି ସ୍କୁଲକୁ ଆସୁଛନ୍ତି ଛାତ୍ରଛାତ୍ରୀ।
ମହାମାରୀ କରୋନା ପାଇଁ ସମଗ୍ର ରାଜ୍ୟରେ ସବୁ ଶିକ୍ଷାନୁଷ୍ଠାନ ବନ୍ଦ ରହିଥିଲା। ଦୀର୍ଘ ଦେଢ଼ ବର୍ଷ ପରେ ଧୀରେ ଧୀରେ ଗୋଟିଏ ଲେଖାଏଁ ଶିକ୍ଷାନୁଷ୍ଠାନ ଖୋଲୁଛନ୍ତି ସରକାର।