ଜରୁରୀ ଅବତରଣ କଲା ମୁଖ୍ୟମନ୍ତ୍ରୀଙ୍କ ବିମାନ

ଜୟପୁର (ଟି.ଗୌରୀଶଙ୍କର): ଆଜି ଜୟପୁରରେ ଜରୁରୀ ଅବତରଣ କରିଥିଲା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିମାନ। ମୁଖ୍ୟମନ୍ତ୍ରୀ ଲାଞ୍ଜିଗଡ଼ ଯାଉଥିବା ବେଳେ ଜୟପୁର ଏୟାରଷ୍ଟ୍ରିପ୍‌ରେ ତାଙ୍କ ବିମାନ ଜରୁରୀ ଅବତରଣ କରିଥିଲା। ତେବେ କାହିଁକି ତାଙ୍କ ବିମାନ ଜରୁରୀ ଅବତରଣ କଲା, ତାହା ସ୍ପଷ୍ଟ ହୋଇପାରି ନାହିଁ। ଯାନ୍ତ୍ରିକ ତ୍ରୁଟି ଯୋଗୁ ନା ଅନ୍ୟ କିଛି କାରଣରୁ ବିମାନଟି ଜରୁରୀ ଅବତରଣ କଲା, ତାହା ଜଣାପଡ଼ିନି। ସରକାରଙ୍କ ପକ୍ଷରୁ ଏନେଇ କିଛି ସୂଚନା ଦିଆଯାଇ ନାହିଁ।

cmକାର୍ଯ୍ୟକ୍ରମ ଅନୁଯାୟୀ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଲାଞ୍ଜିଗଡ଼ରେ ଓହ୍ଲାଇ ହେଲିକପ୍ଟରରେ ରାୟଗଡ଼ା ଯାଇ ଥାଆନ୍ତେ। ତେବେ ଜୟପୁରରେ ବିମାନଟି ଜରୁରୀ ଅବତରଣ କରିବା ପରେ ସେ ସେଠାରେ ପ୍ରାୟ ୪୫ ମିନିଟ୍ ରହିଥିଲେ। ଲାଞ୍ଜିଗଡ଼ରୁ ହେଲିକପ୍ଟର ଆସିବା ପରେ ମୁଖ୍ୟମନ୍ତ୍ରୀ ରାୟଗଡ଼ା ଅଭିମୁଖେ ଯାତ୍ରା କରିଥିଲେ।