ମୋ ଜ୍ୱାଇଁ ସହ ସରିହେବେନି ଯୋଗେଶ…

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ଓଡ଼ିଶା ରାଜନୀତିରେ ଯଦି କେହି କୁହାଳିଆ ନେତା ଥାଆନ୍ତି, ସବୁଠାରୁ ଆଗରେ ଅଛନ୍ତି ସୁର ଭାଇନା। ସେ ସବୁବେଳେ ରୋକ୍&zwnj;ଠୋକ ଓ ସ୍ପଷ୍ଟ କଥା ହିଁ କହିଥାଆନ୍ତି। ଆମେ ଏଠି କହୁଛୁ କଂଗ୍ରେସର ବରିଷ୍ଠ ନେତା ସୁର ରାଉତରାୟଙ୍କ କଥା। ଯାହାଙ୍କ କଥାକୁ ନେଇ ସବୁଠି ଲାଗି ରହିଥାଏ ଚର୍ଚ୍ଚା। ଆଜି ସୁର ଭାଇନା ପୁଣି ଥରେ ତାଙ୍କ ଜ୍ୱାଇ ତଥା ପିସିସି ସଭାପତି ପ୍ରସାଦ ହରିଚନ୍ଦନଙ୍କ ପାଇଁ ଓକିଲାତି କରିଛନ୍ତି। ଜ୍ୱାଇଁଙ୍କୁ ସୁରକ୍ଷା ଦେବାକୁ ଯାଇ ସୁନ୍ଦରଗଡ଼ ବିଧାୟକ ଯୋଗେଶ ସିଂଙ୍କୁ ସେ ଜମେଇକି ସମାଲୋଚନା କରିଛନ୍ତି।</p><p>ଗଣମାଧ୍ୟମ ପ୍ରତିନିଧିଙ୍କ ପ୍ରଶ୍ନରେ ସୁର ଭାଇନା କହୁ କହୁ କହି ପକାଇଲେ-&ldquo;ଆମର ରାହୁଲ ଗାନ୍ଧି ଓ ପ୍ରସାଦ ହରିଚନ୍ଦନ। ଆମେ ନବୀନ ପଟ୍ଟନାୟକ ଏବଂ ନରେନ୍ଦ୍ର ମୋଦିଙ୍କୁ ହିସାବରେ ନେଉନୁ। ଯିଏ ଭାରତବର୍ଷକୁ ୧୦ ବର୍ଷ ପଛକୁ ନେଇଗଲା। କଂଗ୍ରେସ କମିଂ। ୨୦୧୯ ନିର୍ବାଚନରେ ୧୫ ସାଂସଦ ଓ ୮୫ ବିଧାୟକ ଜିତିବେ। ଏହାଠାରୁ ଅଧିକ ହେବ ପଛେ କମିବ ନାହିଁ।&rdquo;</p><p>ସେ କହିଛନ୍ତି-&ldquo;ବିଜେପୁର ଉପନିର୍ବାଚନ ଓ ପୌରପାଳିକା ନିର୍ବାଚନକୁ ସୁନ୍ଦର ଭାବେ ପରିଚାଳନା କରିବା ପାଇଁ ବିଭିନ୍ନ କାର୍ଯ୍ୟକ୍ରମ ହାତକୁ ନିଆଯାଉଛୁଁ। ପ୍ରତି ୱାର୍ଡ଼ରେ ଥିବା ସମସ୍ୟା ଲୋକଲୋଚନକୁ ଆଣି ସମାଧାନ କରିବା ପାଇଁ କର୍ମୀମାନଙ୍କୁ କୁହାଯାଇଛି।&rdquo;</p><p>ସୁର କହିଛନ୍ତି-&ldquo;ରାଜ୍ୟ ସରକାର ଖାଲି ବଡ଼ ବଡ଼ କଥା କହୁଛନ୍ତି। ଗାନ୍ଧି ଜୟନ୍ତୀଠାରୁ ସବୁ ଘରକୁ ପାଣି ଯୋଗାଇ ଦେବେ। ଯେଉଁ ସରକାର ଭୁବନେଶ୍ୱରବାସୀଙ୍କୁ ପାଣି ଦେଇପାରୁନି, ସିଏ ସବୁ ଅଞ୍ଚଳକୁ କେମିତି ପାଣି ଯୋଗାଇବେ? ଭୁବନେଶ୍ୱରରେ ଏମିତି କିଛି ବସ୍ତି ଅଛି, ଯେଉଁଠି ଲୋକେ ପାଣି ମୁନ୍ଦାଏ ପାଉ ନାହାନ୍ତି। ଏପରିକି ବିଜୁଳି ମଧ୍ୟ ଯାଇନି।&rdquo;</p><p>ସୁର କହିଛନ୍ତି-&ldquo;ପ୍ରସାଦଙ୍କ ବିରୋଧରେ ଯେଉଁମାନେ ଅଭିଯୋଗ ଆଣୁଛନ୍ତି, ସେମାନେ ବିଧାୟକ ନୁହଁନ୍ତି। ସେମାନେ ବାହାର ଦଳର ଲୋକ ହୋଇଥିବେ। ସେଗୁଡ଼ାକ ଶସ୍ତା ଲୋକ। ଯୋଗେଶ ସିଂ, ପ୍ରସାଦଙ୍କ କେଉଁ ଗୁଣକୁ ସରିହେବେ&lt;strong&gt;? &lt;/strong&gt;ତାଙ୍କର କଣ ଜ୍ଞାନ ଅଛି? ଆଗାମୀ ନିର୍ବାଚନରେ ଜିତିବା ପାଇଁ ରହୁଲ ଗାନ୍ଧି, ସୋନିଆ ଗାନ୍ଧି ଓ ଏଠି ପ୍ରସାଦ ହରିଚନ୍ଦନ ଲାଗି ପଡ଼ିଲେଣି। ମ୍ୟୁନିସିପାଲିଟି ଓ ବିଜେପୁର ଉପ-ନିର୍ବାଚନରେ ଆମେ ଜିତିବୁ। ୨୦୧୯ ନିର୍ବାଚନରେ କଂଗ୍ରେସ କେମିତି ବହୁ ମତରେ ଜିତିବ, ସେନେଇ ପ୍ରସ୍ତୁତି ଆରମ୍ଭ ହେଲାଣି। ବର୍ତ୍ତମାନ ସବୁ ବିଧାୟକ ରାହୁଲ ଗାନ୍ଧିଙ୍କ ପଛରେ ଅଛନ୍ତି।&rdquo;</p><p>ରାହୁଲଙ୍କୁ ହେମାନନ୍ଦଙ୍କ ଟାର୍ଗେଟ ନେଇ ସେ କହିଲେ-&ldquo;ରାହୁଲ ଯୁବ ସମାଜକୁ ନେଇ ଆଗକୁ ଯାଉଛନ୍ତି। ସେଥିପାଇଁ ପ୍ରସାଦଙ୍କୁ ଦାୟିତ୍ୱ ଦେଇଛନ୍ତି। ହେମା ଭାଇ ଜଣେ ବରିଷ୍ଠ ଲୋକ। କଣ ବିଚାର କରି କହିଲେ ଜାଣିନି। ହେମା ଭାଇ ଓ ଆମର ସବୁ ବୟସ ୭୦ ଟପିଲାଣି। ଏଥରେ ନିର୍ବାଚନରେ ପ୍ରାର୍ଥୀ ହେବୁ କି ନାହିଁ ସନ୍ଦେହ। ସେଥିପାଇଁ ହୁଏତ କହିଥିବେ। କୌଣସି ପରିସ୍ଥିତିରେ ହେମାନନ୍ଦ ବିଶ୍ୱାଳର ଅନ୍ୟ ଦଳକୁ ଯିବେ ନାହିଁ।&rdquo;</p><p>ଯୋଗେଶଙ୍କ ସମ୍ପର୍କରେ ସେ କହିଛନ୍ତି-&ldquo;ଯୋଗେଶ ଆଗରୁ ସରପଞ୍ଚ ଥିଲେ। ଏବେ ରାଜନୀତିକୁ ଆସିଛନ୍ତି। ବର୍ତ୍ତମାନ ସେ କଂଗ୍ରେସରେ ଅଛନ୍ତି ଓ ଦଳ ପାଇଁ କାମ କରୁଛନ୍ତି। ରାହୁଲ ଗାନ୍ଧିଙ୍କ ନେତୃତ୍ୱରେ ସେ ରହିବେ।&rdquo;</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।