ରାଜ୍ୟରେ କରୋନା ନେଲା ଆଉ ୫ ମୁଣ୍ଡ

ଭୁବନେଶ୍ୱର(ଓଡ଼ିଶା ରିପୋର୍ଟର): ରାଜ୍ୟରେ ଆଉ ୫ ମୁଣ୍ଡ ନେଲା କରୋନା। ଫଳରେ ରାଜ୍ୟରେ ସମୁଦାୟ କରୋନାଜନିତ ମୃତ୍ୟୁ ସଂଖ୍ୟା ୧୫୯ ରେ ପହଞ୍ଚି ଯାଇଛି। ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଏହି ସୂଚନା ଦିଆଯାଇଛି। ଗଞ୍ଜାମ, ବାଲେଶ୍ୱର, କନ୍ଧମାଳ, ମାଲକାନଗିରି ଓ ପୁରୀ ଜିଲ୍ଲାରୁ ଜଣେ ଲେଖାଏ ଆକ୍ରାନ୍ତ କରୋନାରେ ଆଖି ବୁଜିଥିବା ଜଣାଯାଇଛି।

ମୃତକଙ୍କ ମଧ୍ୟରେ ୩ ମହିଳା ଓ ୨ ପୁରୁଷ ଥିବା ଜଣାଯାଇଛି। ମୃତା ମହିଳା ୩ ଜଣ ପୁରୀ, ଗଞ୍ଜାମ ଓ ମାଲକାନଗିରି ଜିଲ୍ଲାର ବୋଲି ଜଣାଯାଇଛି।ମାଲକାନଗିରି ଜିଲ୍ଲାରେ ୬୨ ବର୍ଷ ବୟସ୍କା ମହିଳା  ହାଇପରଟେନସନରେ ପୀଡ଼ିତ ଥିବା ବେଳେ କରୋନାରେ ଆକ୍ରାନ୍ତ ହୋଇ ଆଖି ବୁଜିଛନ୍ତି। କରୋନା ଯୋଗୁ ଗଂଜାମରେ  ପ୍ରାଣ ହରାଇଥିବା ୬୦ ବର୍ଷୀୟା ମହିଳା ଡାଇବେଟିସ୍ ଓ ହାଇପରଟେନସନ୍‌ରେ ପୀଡ଼ିତ ଥିଲେ ।

କନ୍ଧମାଳର ମୃତକ ପୁରୁଷଜଣକ ଲିଭର ସମସ୍ୟା, ଜଣ୍ଡିସ ଓ ହେପାଟିକଏନ୍ସେ ଫାଲୋପାଥିରେ ପୀଡ଼ିତ ଥିଲେ । ତାଙ୍କର ବୟସ  ୫୦ ବର୍ଷ । ବାଲେଶ୍ୱର ଜିଲ୍ଲାର ୪୬ ବର୍ଷର ପୁରୁଷ  କରୋନାରେ ଆଖି ବୁଜିଥିବା ବେଳେ ସେ ଡାଇବେଟିସ୍ ଓ  ଉଚ୍ଚ ରକ୍ତଚାପରେ ପୀଡ଼ିତ ଥିଲେ । ପୁରୀର  ଜଣେ ମହିଳା କରୋନାରେ ଆଖି ବୁଜିଥିବା ବେଳେ ତାଙ୍କ ବୟସ ୫୫।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।