ଯାଜପୁର(ଗୁଲାମ ଗସ୍): ଯାଜପୁର ଜିଲ୍ଲା ବିଞ୍ଝାରପୁର ଥାନା ଅନ୍ତର୍ଗତ ସୁନ୍ଦରପୁର ଗାଁରେ ଗତକାଲି ବିଳମ୍ୱିତ ରାତିରେ ସଶସ୍ତ୍ର ଡକାୟତି ହୋଇଛି। ଗାଁର ସୁରେନ୍ଦ୍ର ସ୍ୱାଇଁଙ୍କ ଘର ଝରକା ଭାଙ୍ଗି ଡକାୟତ ଘର ଭିତରକୁ ପଶିଥିଲେ। ସୁରେନ୍ଦ୍ର ଓ ତାଙ୍କ ପତ୍ନୀ ରେବତୀ ବିରୋଧ କରିବାରୁ ସେମାନଙ୍କୁ ମାରପିଟ କରିବା ସହ ମାରଣାସ୍ତ୍ର ଦେଖାଇ ଭୟଭୀତ କରିଥିଲେ। ପରେ ଘରେ ଥିବା ଆଲମିରାର ଲକର ଭାଙ୍ଗି ଲକ୍ଷାଧିକ ଟଙ୍କାର ସୁନା ଗହଣା ଓ ଟଙ୍କା ଲୁଟି ନେଇଥିଲେ।
ଏନେଇ ଅଭିଯୋଗ ପାଇବା ପରେ ବିଞ୍ଝାରପୁର ପୁଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।