ଗିରଫ ହେଲେ କୋଟିପତି ଅଙ୍ଗନବାଡ଼ି ଦିଦି

ବ୍ରହ୍ମପୁର (ଓଡ଼ିଶା ରିପୋର୍ଟର): ଭିଜିଲାନ୍ସ ଟିମକୁ ଆଜି ଆଉଏକ ବଡ଼ ସଫଳତା ମିଳିଛି। ବ୍ରହ୍ମପୁରର କୋଟିପତି ଅଙ୍ଗନବାଡ଼ି ଦିଦି ନମିତା ଦଳେଇଙ୍କୁ ଆଜି ଗିରଫ କରିଛି ଭିଜିଲାନ୍ସ। ତାଙ୍କଠାରୁ ମୋଟ ୨ କୋଟି ୨୦ ଲକ୍ଷର ଆୟ ବହିର୍ଭୂତ ସଂପତ୍ତି ଠାବ କରିଛି ଭିଜିଲାନ୍ସ।

ଗତକାଲି ଭିଜିଲାନ୍ସ ଟିମ୍ ବ୍ରହ୍ମପୁର ଓ ଭୁବନେଶ୍ୱରରେ ରେଡ୍ କରିଥିଲା। ଭୁବନେଶ୍ୱରରେ ୨ଟି ଫ୍ଲାଟ୍ ଠାବ ହୋଇଥିବା ବେଳେ ଗୋଟିଏ ୩ ମହଲା ଓ ଗୋଟିଏ ୨ ମହଲା ଘର ଠାବ ହୋଇଛି। ବ୍ୟାଙ୍କରେ ୧୨ ଲକ୍ଷ ଟଙ୍କା ଜମା ହୋଇଥିବା ସୂଚନା ମିଳିଛି। ଗିରଫ ଅଙ୍ଗନବାଡି ଦିଦି ନିଜ ଘରେ ଗୋଟିଏ ଛତୁଆ ୟୁନିଟ୍ ଖୋଲିଥିବା ସୂଚନା ମିଳିଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।