ବିଜୟ ପାଲ ଗୁଳିମାଡ଼ ଘଟଣାରେ ସ୍ୱର ନମୂନା ଯାଞ୍ଚ ପାଇଁ ରାଜି ହେଲେନି ସୁଶାନ୍ତ ଧଳସାମନ୍ତ ଏବଂ ରଂଜିତା ବିଶ୍ୱାଳ

<p>କଟକ( ଓଡ଼ିଶା ରିପୋର୍ଟର): କଟକ ସୁଭଦ୍ରାପୁର ବିଜୟ ପାଲ ଗୁଳିମାଡ଼ ଘଟଣାରେ ହେବାକୁ ଥିବା ସ୍ୱର ନମୂନା ଯାଞ୍ଚ ପାଇଁ ରାଜି ହେଲେ ନାହିଁ ଅପରାଧୀ ସୁଶାନ୍ତ ଧଳସାମନ୍ତ ଏବଂ ନିଲମ୍ବିତ ବିଜେଡି କର୍ପୋରେଟ୍ ରଂଜିତା ବିଶ୍ୱାଳ। ସୁଶାନ୍ତ ଓ ରଞ୍ଜିତାଙ୍କ ମଧ୍ୟରେ ଜେଲ ଭିତରର ବାର୍ତ୍ତାଳାପ ଏବଂ ଜେରା ବେଳେ ହୋଇଥିବା ଭଏସକୁ ମ୍ୟାଚ କରିବା ପାଇଁ ପୋଲିସ ଉଭୟଙ୍କ ଭଏସ୍ ନମୂନା ଯାଞ୍ଚ କରିଥାନ୍ତା। କିନ୍ତୁ ଉଭୟେ ଆଜି ରାଜି ହୋଇ ନ ଥିବା ସୂଚନା ମିଳିଛି। ଉଭୟଙ୍କର ଭଏସ୍ ଯାଞ୍ଚପାଇଁ କଟକ ସଦର ଥାନା ପୋଲିସ ଜେଏମ୍ଏଫସି ରୁରାଲ କୋର୍ଟରୁ ଅନୁମତି ମଧ୍ୟ ପାଇଥିଲା। &nbsp;ଆଜି ମନା କରିବା ପରେ କ&rsquo;ଣ ରହିବ ପୋଲିସର ପରବର୍ତ୍ତୀ ପଦକ୍ଷେପ, ତାହା ସ୍ପଷ୍ଟ ହୋଇନାହିଁ।</p> <p>ଗତକାଲି ଉଭୟଙ୍କର ତିନିଦିନିଆ ରିମାଣ୍ଡ ଅବଧି ସରିଛି। ପ୍ରଥମ ଦୁଇଦିନ ମାରାଥନ ଜେରା ପରେ ଶେଷ ଦିନରେ ମୁହାଁମୁହିଁ ବସାଇ ଜେରା କରିଥିଲା ପୋଲିସ। ଜେରା ବେଳେ ପୋଲିସ ହାତରେ ଅନେକ ଗୁରୁତ୍ୱପୂର୍ଣ୍ଣ ତଥ୍ୟ ଲାଗିଥିବା ଜଣାପଡିଛି।</p> <p>ଧଳସାମନ୍ତଙ୍କ ଅନ୍ୟ ୨ ପୁରୁଣା ସହଯୋଗୀଙ୍କୁ ଗତରାତିରେ ଗିରଫ କରିଛି ପୋଲିସ। ଦୁଇ ଜଣ ହେଲେ ଘୁନା ଏବଂ ଛବି। ଉଭୟେ ଧଳସାମନ୍ତଙ୍କ ସହିତ ବିଭିନ୍ନ ଅପରାଧିକ ମାମଲାରେ ସଂପୃକ୍ତ ଥିଲେ।</p>