କଟକ: କଟକ ଜିଲ୍ଲା ବାଙ୍କି ଅଞ୍ଚଳରେ ରାସ୍ତା ଦୁର୍ଘଟଣାରେ ପ୍ରାଣ ହରାଇଥିବା ବ୍ୟକ୍ତିଙ୍କ ପରିବାରକୁ ୪ ଲକ୍ଷ ଟଙ୍କା କ୍ଷତିପୂରଣ ଓ ରାସ୍ତା ଚଉଡ଼ା କରିବା ଦାବିରେ ଆଜି ସ୍ଥାନୀୟ ଲୋକ ବାଙ୍କି-ବୈଦଶ୍ୱର ମୁଖ୍ୟ ରାସ୍ତା ଅବରୋଧ କରିଛନ୍ତି। ପୋଲିସ୍ ଘଟଣାସ୍ଥଳରେ ପହଞ୍ଚି ବୁଝାସୁଝା କରିଥିଲେ ମଧ୍ୟ ଆନ୍ଦୋଳନ ଜାରି ରହିଛି।
ଗତକାଲି କଟକ ଜିଲ୍ଲା ବାଙ୍କି ସୁନାଦେଇ ମୁଣ୍ଡିଆ ନିକଟରେ ଗୋପାଳ ବେହେରା ନାମକ ଜଣେ ବ୍ୟକ୍ତି ସାଇକେଲରେ ଯିବା ବେଳେ ଏକ ବାଇକ ସହ ଧକ୍କା ହୋଇଥିଲା। ଘଟଣା ସ୍ଥଳରେ ଗୋପାଳଙ୍କ ମୃତ୍ୟୁ ହୋଇଥିବା ବେଳେ ବାଇକ ଆରୋହୀ ଗୁରୁତର ହୋଇଥିଲେ।