ଆତ୍ମହତ୍ୟା କରିଥିବା ଚାଷୀ ବୃନ୍ଦା ସାହୁ କେଉଁ ଦଳର ? ଶୁଣନ୍ତୁ କ’ଣ କହିଲେ ଦାମ…

<p>ଭୁବନେଶ୍ୱର: ଚାଷୀଙ୍କର ଦଳ ଅଛି । ଏ କଥା କହିଛନ୍ତି ଖୋଦ୍&zwnj; ରାଜ୍ୟର କୃଷିମନ୍ତ୍ରୀ ଦାମୋଦର ରାଉତ । ପଶ୍ଚିମ ଓଡିଶାର ମୃତ ଚାଷୀ ବୃନ୍ଦାବନ ସାହୁ କୁଆଡେ ବିଜେପିର ଲୋକ ବୋଲି ପରୋକ୍ଷରେ କହିଛନ୍ତି ଦାମ। ନିଜ ତୁଣ୍ଡକୁ ନେଇ ସବୁବେଳେ ଚର୍ଚ୍ଚାରେ ରହି ଆସିଥିବା ଡାକ୍ତର ରାଉତ ଗଣମାଧ୍ୟମ ପ୍ରତିନିଧିଙ୍କ ପ୍ରଶ୍ନରେ ଏଭଳି ବିବୃତ୍ତି ରଖିଛନ୍ତି। ଯାହାକୁ ନେଇ ଏବେ ଚର୍ଚ୍ଚା ରାଜ୍ୟବ୍ୟାପୀ ଜୋର୍&zwnj; ଧରିଛି। କେନ୍ଦ୍ର କୃଷିମନ୍ତ୍ରୀ ଗଜେନ୍ଦ୍ର ସିଂ ଶେଖାୱତ ସୋମବାର ବରଗଡ ଯାଇ ମୃତ ବୃନ୍ଦାଙ୍କ ପରିବାରକୁ ଭେଟି ସମବେଦନା ଜଣାଇଥିଲେ। ଏହି ଘଟଣା ସମ୍ପର୍କରେ ସଚିବାଳୟରେ ଗଣମାଧ୍ୟମ ପ୍ରତିନିଧି ଦାମଙ୍କୁ ପ୍ରଶ୍ନ କରିଥିଲେ । କେନ୍ଦ୍ରମନ୍ତ୍ରୀ ମୃତ ଚାଷୀଙ୍କ ପରିବାରକୁ ଭେଟି ସମବେଦନା ଜଣାଇଥିବା ବେଳେ ରାଜ୍ୟ କୃଷିମନ୍ତ୍ରୀ ଏଭଳି କରିବାର ଆବଶ୍ୟକତା ଅଛି କି ନାହିଁ ବୋଲି ପଚରାଯାଇଥିଲା । ଯାହାର ଉତ୍ତର ଦେଇ ଦାମ କହିଥିଲେ, &ldquo;ସେ ତାଙ୍କ ଦଳୀୟ ଲୋକ ହୋଇଥିବାରୁ ଏଭଳି ଗସ୍ତ କରିଥାଇପାରନ୍ତି। ମୁଁ ତାଙ୍କ ଦଳର ନୁହେଁ ତେଣୁ ମୋର ଯିବାର ଆବଶ୍ୟକତା ନାହିଁ।&rdquo;</p> <p>ଦାମଙ୍କ ଏହି ବୟାନ ପରେ ଏବେ ଅରମ୍ଭ ହୋଇଛି ତର୍କ । ବୃନ୍ଦଙ୍କ ପରିବାର ପକ୍ଷରୁ ମନ୍ତ୍ରୀଙ୍କ&nbsp; ଏଭଳ ବିବୃତିକୁ ନିନ୍ଦା କରାଯାଇ&zwnj;ଥିବା ବେଳେ ସେମାନେ ଯେ, କୌଣସି ନିର୍ଦ୍ଧିଷ୍ଟ ଦଳର ନୁହଁନ୍ତି ଏ କଥା କହିଛନ୍ତି ସମ୍ପର୍କୀୟ ।</p> <p>କିଛିଦିନ ହେବ ଚକଡା ପୋକ ପାଇଁ ଉଠୁଛି ପଡୁଛି ପଶ୍ଚିମ ଓଡିଶା । ଚକଡା ଆତଙ୍କରେ ଫସଲ ହାନୀ ହୋଇଥିବା ବେଳେ ଫସଲରେ ନିଆଁ ଲଗାଇବା ଭଳି ଅଭାବନୀୟ ଘଟଣା ଘଟିଥିଲା। ଯାହାକୁ ନେଇ ବରଗଡର ଚାଷୀ ବୃନ୍ଦାବନ ସାହୁ ଆତ୍ମହତ୍ୟା କରିଥିଲେ । ଏହାକୁ ନେଇ ସରକାର ସମବେଦନା ଜଣାଉଥିବା କହୁଥିବା ବେଳେ ଦାମଙ୍କ ବିବୃତ୍ତି ଅଡୁଆ ପରିସ୍ଥିତି ସୃଷ୍ଟି କରିଛି ।</p> <p>ଏହି ଅଡୁଆ ବିବୃତ୍ତିର ଖିଅ ଆରମ୍ଭ ହୋଇଥିଲା ରବିବାରଠାରୁ । କେନ୍ଦ୍ର କୃଷିରାଷ୍ଟ୍ରମନ୍ତ୍ରୀ ଗଜେନ୍ଦ୍ର ସିଂ ସେଖାୱତ ୨ ଦିନିଆ ଓଡିଶାଗସ୍ତରେ ଆସି ଭୁବନେଶ୍ୱର ପହଞ୍ଚିବା ପରେ ଦାମ ତାଙ୍କୁ ଅନୁପ୍ରବେଶକାରୀ ବୋଲି କହି ତାଛଲ୍ୟ କରିଥିଲେ । ରାଜ୍ୟ ସରକାରଙ୍କ ବିନା ନିମନ୍ତ୍ରଣରେ ସେ ଓଡିଶା ଆସିଥିବାରୁ ତାଙ୍କ ଉଦ୍ଦେଶ୍ୟରେ ଏମିତି କହିଥିଲେ ଦାମ। ଯାହାର ଉତ୍ତର ଦେଇ ଶେଖାୱତ ଚାଷୀଙ୍କ ପାଇଁ ଜଣେ କେନ୍ଦ୍ରମନ୍ତ୍ରୀଙ୍କ ଦାୟିତ୍ୱ ସମ୍ପର୍କରେ ସେ ସେଚତନ ଅଛନ୍ତି ଓ ସେହି ଦାୟିତ୍ୱ ନିର୍ବାହ ପାଇଁ &nbsp;ଏଠାକୁ &nbsp;ଆସିଛନ୍ତି ବୋଲି କହିଥିଲେ। ଗସ୍ତର ଦ୍ୱିତୀୟ ଦିନରେ ସୋମବାର ଶେଖାୱତ ବରଗଡ ଯାଇ ବୃନ୍ଦାଙ୍କ ପରିବାର ସଦସ୍ୟଙ୍କ ଭେଟି ସମେବଦନା ଜଣାଇଥିଲେ । ତାଙ୍କ ସହ ରାଜ୍ୟ ବିଜେପିର ବରିଷ୍ଠ ସଦସ୍ୟମାନେ ଉପସ୍ଥିତ ଥିଲେ।</p>