ରାତି ୧୧ଟାରେ ଆସିଥିଲା ଫୋନ୍‌…. କହିଲା ମୁଁ ଶିବାନୀ କହୁଛି

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ରାତି ୧୧ଟା ୩୯ ମିନିଟ୍&zwnj;ରେ ଆସିଲା ଏକ ଫୋନ୍&zwnj; କଲ୍&zwnj;। କହିଲା- ମୁଁ ଶିବାନୀ କହୁଛି। କିଏ ସେହି ରହସ୍ୟମୟୀ ଯୁବତୀ? ଯିଏ ଫୋନ୍&zwnj;ରେ ଧମକ ଦେଉଥିଲେ ଡିଏଭି ମ୍ୟାନେଜମେଣ୍ଟ ଛାତ୍ରୀ ତାନିଆ ବାନାର୍ଜୀଙ୍କ ମାଆଙ୍କୁ। ଯେଉଁଦିନ ତାନିଆ ଆତ୍ମହତ୍ୟା କରିଥିଲେ, ସେହିଦିନ ରାତିରେ ଆସିଥିଲା ଏହି ଫୋନ୍&zwnj; କଲ। ଆଜି ଏପରି ଅଭିଯୋଗ ଆଣିଛନ୍ତି ତାନିଆଙ୍କ ମାଆ।</p> <p>ତାନିଆଙ୍କ ମା&rsquo; କେୟା ବାନାର୍ଜୀ କହିଛନ୍ତି-&ldquo;ତାନିଆ ବାନାର୍ଜୀଙ୍କ ମୃତ୍ୟୁ ପୂର୍ବରୁ ମୋ ପାଖକୁ ଆସିଥିଲା ଧମକପୂର୍ଣ୍ଣ ଫୋନ କଲ। ରାତି ପ୍ରାୟ ୧୧ଟା ୩୯ ମିନିଟ୍&zwnj;ରେ ଜଣେ ଯୁବତୀ ଫୋନ କରି ତାନିଆ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯାଉଥିବା ଧମକପୂର୍ଣ୍ଣ ଗଳାରେ କହିଥିଲେ। ଯୁବତୀ ଜଣଙ୍କ ନିଜକୁ ଶିବାନୀ ବୋଲି ପରିଚୟ ଦେବା ସହ ବେଙ୍ଗଲୀ ଭାଷାରେ କଥା ହୋଇଥିଲେ। କଲ୍ ବ୍ୟାକ୍ କରିବାରୁ ଏହା ଡିଏଭି ବିଜିନେସ୍ ସ୍କୁଲର ବୋଲି ଜାଣିବାକୁ ପାଇଥିଲି।&rdquo;</p> <p>ତେବେ ଫୋନ କରିଥିବା ଛାତ୍ରୀ ଜଣଙ୍କ ନିଜର ମିଛ ପରିଚୟ ଦେଇଥିବା ତାନିଆଙ୍କ ମାଆ କହିଛନ୍ତି। ସେପଟେ ତାନିଆଙ୍କ ମୃତ୍ୟୁ ସଂପର୍କରେ ଯେଉଁ ୭ ଛାତ୍ରୀଙ୍କୁ ଜେରା କରାଯାଇଥିଲା ସେମାନଙ୍କ ମଧ୍ୟରେ ଜଣେ ପ୍ରଭାବଶାଳୀ ବ୍ୟକ୍ତିଙ୍କ ଝିଅ ହୋଇଥିବାରୁ ଘଟଣାକୁ ପୋଲିସ ହାଲୁକା ଭାବେ ନେଉଥିବା କେୟା ଅଭିଯୋଗ କରିଛନ୍ତି।</p> <p>ଏପଟେ ତାନିଆଙ୍କ ପୋଷ୍ଟମର୍ଟମ ରିପୋର୍ଟ ଆସିଛି। ତାନିଆ ଆତ୍ମହତ୍ୟା କରିଥିବା ଏଥିରୁ ସ୍ପଷ୍ଟ ହୋଇଛି। ବେକରେ ଦଉଡି ଦେବା ଯୋଗୁଁ ଶ୍ୱାସରୁଦ୍ଧ ହେବା ଫଳରେ ତାଙ୍କର ମୃତ୍ୟୁ ଘଟିଥିବା କୁହାଯାଇଛି।</p> <p>ଏଠି ପ୍ରଶ୍ନ ଉଠୁଛି ବଙ୍ଗଳା ଭାଷାରେ ଫୋନ କରି ଧମକ ଦେଇଥିବା ଯୁବତୀ କିଏ ? ପୋଲିସ ତାଙ୍କୁ ଜେରା କରିଛି ନା ନାହିଁ? ଯେଉଁ&nbsp; ୭ଜଣ ଛାତ୍ରୀଙ୍କ ପୋଲିସ ପଚରାଉଚରା କରିଥିଲା ସେମାନଙ୍କ ଭିତରରେ କେହି ପ୍ରଭାବଶାଳୀ ବ୍ୟକ୍ତିଙ୍କ ଝିଅ ଅଛନ୍ତି କି? ଘଟଣାକୁ ଚପାଇ ଦେବାକୁ ବାହାରୁ କିଛି ଚାପ ପଡୁଛି କି? ତେବେ ପୋଲିସ ତଦନ୍ତ ଜାରି ରଖିଥିବା କହିଛନ୍ତି ଡିସିପି ସତ୍ୟବ୍ରତ ଭୋଇ କହିଛନ୍ତି।</p>