ଡାକ୍ତରଖାନା ଟଏଲେଟ୍‌ରୁ ନବଜାତ ଶିଶୁର ମୃତଦେହ ଉଦ୍ଧାର

ଜଗତସିଂହପୁର (ଶଶାଙ୍କ ଶେଖର ପଣ୍ଡା): ଜଗତସିଂହପୁର ଜିଲ୍ଲା ମୁଖ୍ୟ ଚିକିତ୍ସାଳୟର ପ୍ରସୂତି ବିଭାଗ ନିକଟସ୍ଥ ମହିଳା ଟଏଲେଟ୍‌ରୁ ଆଜି ସକାଳେ ଏକ ନବଜାତ ଶିଶୁର ମୃତଦେହ ଉଦ୍ଧାର କରାଯାଇଛି। ଜଣେ ରୋଗୀଙ୍କ ସମ୍ପର୍କୀୟ ସକାଳେ ଶୌଚ ହେବାକୁ ଯାଇଥିବା ବେଳେ ପାଇଖାନାରେ ଭିତରେ ମୃତଦେହ ପଡ଼ିଥିବା ଦେଖିବାକୁ ପାଇଥିଲେ। ଏନେଇ ସେ ଡାକ୍ତରଖାନାରେ ନିୟୋଜିତ ସୁରକ୍ଷାକର୍ମଚାରୀଙ୍କୁ ସୂଚନା ଦେଇଥିଲେ। ଏହା ପରେ ସୁଇପର୍‌ଙ୍କ ସହାୟତାରେ ଶିଶୁର ମୃତଦେହକୁ ପାଇଖାନାରୁ ବାହାର କରାଯାଇଥିଲା।
ଏ ଘଟଣା ନେଇ ସିଡିଏମ୍‌ଓ ଅଜୟ କୁମାର ବଇଠା ଘଟଣାର ଖୋଳତାଡ଼ କରିଛନ୍ତି। ଡାକ୍ତରଖାନାର ନର୍ସ ଓ ଅନ୍ୟ କର୍ମଚାରୀଙ୍କୁ ସେ ପଚରାଉଚରା କରିଛନ୍ତି।