ସମ୍ବଲପୁର (ଓଡ଼ିଶା ରିପୋର୍ଟର): ପବିତ୍ର କୁମାର ପୂର୍ଣ୍ଣିମା ଅବସରରେ ସମ୍ବଲପୁରର ଅଧିଷ୍ଠାତ୍ରୀ ଦେବୀ ମା’ ସମଲେଶ୍ୱରୀ ରାଜରାଜେଶ୍ୱରୀ ବେଶରେ ଶ୍ରଦ୍ଧାଳୁଙ୍କୁ ଦର୍ଶନ ଦେଇଛନ୍ତି।
ବୁଧବାର ରାତିରେ ସମ୍ପନ୍ନ ହୋଇଛି ମା’ଙ୍କ ଏହି ବେଶ। ଏହି ଅବସରରେ ମନ୍ଦିରର ପୁରୁଣା ଧ୍ୱଜା ଅପସାରଣ କରାଯାଇ ନୂଆ ଧ୍ୱଜା ଲଗାଯାଇଛି।
ରୀତିନୀତି ଅନୁଯାୟୀ ମା’ଙ୍କୁ ରାଜରାଜେଶ୍ୱରୀ ବେଶରେ ସଜାଇବା ପରେ ପୂଜାର୍ଚ୍ଚନା କରାଯାଇଥିଲା ।
ବର୍ଷକରେ ଥରେ ହେଉଥିବା ମା’ଙ୍କ ଏହି ଦୁର୍ଲଭ ବେଶ ଦେଖିବାକୁ ଦୂର ଦୂରାନ୍ତରୁ ହଜାର ହଜାର ସଂଖ୍ୟାରେ ଶ୍ରଦ୍ଧାଳୁଙ୍କ ସମାଗମ ହୋଇଥିଲା।
ମା’ଙ୍କୁ ଏହି ବେଶରେ ଦର୍ଶନ କଲେ ପୂଣ୍ୟ ଫଳ ଅର୍ଜନ ହୋଇଥାଏ ବୋଲି ବିଶ୍ୱାସ ରହିଛି। ମା’ଙ୍କ ଦର୍ଶନ ଲାଗି ବିଳମ୍ବିତ ରାତି ଯାଏ ଚାଲିଥିଲା ଦର୍ଶନ। ଏହାସହ ଆତଶବାଜୀ ଓ ଆଖଡା ପରିବେଷଣ ଥିଲା ଉତ୍ସବର ଅନ୍ୟତମ ଆକର୍ଷଣ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
