ଆସିଲା ଡିଏନ୍ଏ ରିପୋର୍ଟ; ୫ଟି ଖପୁରୀରୁ ୩ଟି ପୁରୁଷ ଏବଂ ୨ଟି ମହିଳାଙ୍କର

ଆଠଗଡ଼(ଓଡ଼ିଶା ରିପୋର୍ଟର): ଆଠଗଡ଼ ନୂଆପାଟଣା ନିକଟ ସୂତାକଳରୁ ୫ଟି ମଣିଷ ଖପୁରୀ ମିଳିବା ଘଟଣାରେ ଡିଏନ୍ଏ ରିପୋର୍ଟ ଆସିଛି। ୫ଟି ଖପୁରୀରୁ ୩ଟି ପୁରୁଷ ଏବଂ ୨ଟି ମହିଳାଙ୍କର ଖପୁରୀ ଥିବା ରିପୋର୍ଟରେ ସ୍ପଷ୍ଟ ହୋଇଛି। ଖପୁରୀ ମିଳିବା ପରେ ଘଟଣାର ତଦନ୍ତ ଚାଲିଥିବା ତିଗିରିଆ ଥାନାଧିକାରୀ କହିଛନ୍ତି।

କିଛି ଦିନ ପୂର୍ବରୁ ନୂଆପାଟଣା ସ୍ପିନିଂ ମିଲ୍‌ ପରିସର ଏକ ଅଳିଆଗଦାରୁ ୫ଟି ମଣିଷ ଖପୁରୀ ଜବତ କରାଯାଇଥିଲା। । ଏହି ଖପୁରୀ ଗୁଡ଼ିକ କେଉଁଠୁ ଆସିଲା ପୋଲିସ୍‌ ଏହା ତଦନ୍ତ କରୁଥିଲା। ଏହି ଖପୁରୀ ଗୁଡ଼ିକୁ ଭୁବନେଶ୍ୱର ଲାବ୍‌କୁ ପଠାଯିବ ବୋଲି ପୋଲିସ ପକ୍ଷରୁ କୁହାଯାଇଥିଲା।