ଇତିଶ୍ରୀ ପ୍ରଧାନ ମୃତ୍ୟୁ ମାମଲା: ସ୍କୁଲକୁ ଯାଇ ତଦନ୍ତ କରିବ ସିବିଆଇର ୫ ଜଣିଆ ଟିମ୍

ରାୟଗଡା: ବହୁ ଚର୍ଚ୍ଚିତ ଇତିଶ୍ରୀ ପ୍ରଧାନ ମୃତ୍ୟୁ ମାମଲାର ତଦନ୍ତ ପାଇଁ ରାୟଗଡ଼ାରେ ପହଞ୍ଚିଛି ସିବିଆଇ ଟିମ୍। ଗତକାଲି ଡିଆଇଜି ଲତା ମନୋଜ କୁମାରଙ୍କ ନେତୃତ୍ୱରେ ଏହି ଟିମ୍ ରାୟଗଡ଼ା ଆସିଛି। ସିବିଆଇ ଡିଏସପି ଏମକେ ପାଠକଙ୍କ ସମେତ ଏହି ପାଞ୍ଚଜଣିଆ ଟିମ ରାୟଗଡ଼ାରେ ପହଞ୍ଚିଥିବା ବେଳେ ଗୁରୁବାର ଏହି ଟିମ୍ ଟିକିରି ସ୍କୁଲକୁ ଯାଇ ତଦନ୍ତ କରିବ।

ସେହିଭଳି ଗୁରୁବାର ସିବିଆଇର ଆଉ ଏକ ସାଇଣ୍ଟିଫିକ୍ ଟିମ୍ ମଧ୍ୟ ରାୟଗଡ଼ାରେ ପହଞ୍ଚିବ। ଏହି ଟିମ୍ ଟିକିରି ସ୍କୁଲକୁ ଯାଇ ଛାନଭିନ୍ କରିବ ବୋଲି ସୂଚନା ମିଳିଛି।