ସୋର(ଶଶିକାନ୍ତ ବେହେରା): ବାଲେଶ୍ୱର ଜିଲ୍ଲା ସମୁଳିଆ ବ୍ଲକ୍ ଅଡ଼ା ଗାଁରେ ଏକ ମଦ କାରଖାନା ଠାବ କରାଯାଇଛି। କୌଣସି ସୂତ୍ରରୁ ଖବର ପାଇ ସୋର ଅବକାରୀ ଓ କଟକ ଗୁଇନ୍ଦା ବିଭାଗ ଏହି ଗ୍ରାମର ଅଜିତ୍ କୁମାର ବାରିକଙ୍କ ଘରେ ଚଢ଼ଉ କରିଥିଲା। ସେଠାରୁ ବହୁ ପରିମାଣର ନକଲି ମଦ ସହିତ ସ୍ପିରିଟ୍, ଲେବୁଲ୍, କଲର କରିବା ପାଇଁ ରଙ୍ଗ ଓ ମେସିନ୍ ଜବତ କରାଯାଇଛି।
ଏହି ଘଟଣାରେ କାରଖାନା ମାଲିକ ଅଜିତ୍ କୁମାର ବାରିକଙ୍କୁ ଗିରଫ କରାଯାଇଛି।
ସେହିପରି ବର୍ତ୍ତନା ଓ ଗଣ୍ଡିବେଦରୁ ମଧ୍ୟ ବହୁ ପରିମାଣର ବିଦେଶୀ ମଦ ଜବତ କରାଯାଇଛି। ଏଥିସହ ୨ ଜଣଙ୍କୁ ଗିରଫ କରାଯାଇଛି।