ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>କଟକ(ଓଡିଶା ରିପୋର୍ଟର): ଶାଳୀ-ଭିଣୋଇଙ୍କ ପ୍ରେମ ଶେଷରେ ଜୀବନ ନେଲା। କେଇ ମୁହୂର୍ତ୍ତର ଖୁସି ପାଇଁ ଭଉଣୀଙ୍କୁ ଧୋକା ଦେଇ ଭିଣୋଇ ସହ ସମ୍ପର୍କ ରଖିଥିଲା ସାନ ଭଉଣୀ। ଆଉ ଏ କଥା ଜାଣି ନ ଥିଲେ ଘର ଲୋକ। ସାନ ଝିଅର ବାହାଘର ଠିକ୍‌ ହେଲା। ହେଲେ ଏ କଥା ଭିଣୋଇ ବାବୁଙ୍କ ମନକୁ ଆସିଲାନି। ଶାଳୀ ବାହାଘର କଥା ଶୁଣି ରକ୍ତ ଚାଉଳ ଚୋବାଇଲେ। ଆଉ ଶେଷରେ ବିବାହର ୨ ଦିନ ପୂର୍ବରୁ ହିତାହିତ ଜ୍ଞାନ ହରାଇ ଶାଳୀର ଭାବି ସ୍ୱାମୀକୁ ହତ୍ୟା କଲେ।</p> <p>ନିକଟରେ କଟକ ଜଗତପୁର ବିରୁପା ପୋଲ ନିକଟରେ କପାଳେଶ୍ୱର ଗାଁର ନିର୍ଝର ବେହେରାଙ୍କ ମୃତଦେହ ଉଦ୍ଧାର କରାଯାଇଥିଲା। ଏହି ହତ୍ୟାକାଣ୍ଡର ପର୍ଦ୍ଦାଫାଶ କରି ପୋଲିସ ଉପରୋକ୍ତ ଚାଞ୍ଚଲ୍ୟକର ତଥ୍ୟ ଦେଇଛି। ନିର୍ଝରଙ୍କ ସହ ଯେଉଁ ଝିଅର ବିବାହ ଠିକ୍ ହୋଇଥିଲା ସେଇ ଝିଅର ଭିଣୋଇ ହିଁ ମୁଖ୍ୟ ଆସାମୀ ବୋଲି କହିଛି ପୋଲସ।</p> <p>ସୂଚନାଯୋଗ୍ୟ, କଟକ ଚୌଦ୍ୱାର ଅ଼ଞ୍ଚଳରେ ଗତ ୭ ତାରିଖରେ ଘଟିଥିଲା ଏହି ଘଟଣା। ଶାଳୀ ବାହାଘରର ୨ ଦିନ ପୂର୍ବରୁ ଘଟଣାଦିନ ରାତିରେ ନିର୍ଝରଙ୍କୁ ବିରୁପା ପୋଲ ନିକଟକୁ ଫୋନରେ ଡକାଇଥିଲେ ଭିଣୋଇ ସମ୍ବିତ୍‌ ସେନାପତି । ଶେଷରେ ବିରୁପା ପୋଲ ନିକଟକୁ ଡାକି ହତ୍ୟା କରିଥିଲେ।</p> <p>ପୋଲିସର କହିବା ଅନୁସାରେ ପ୍ରଥମେ ଶାଳୀକୁ ବାହା ନ ହେବାକୁ ସମ୍ବିତ୍‌ ନିର୍ଝରଙ୍କୁ ଧମକ ଦେଇଥିଲେ। ହେଲେ ସେ ନ ଶୁଣିବାରୁ ଶେଷରେ ଏଭଳି ଚରମ ନିଷ୍ପତ୍ତି ନେଇଥିଲେ।</p> <p><span style="color: #ff0000;">ପୋଲିସ୍‌ କେମିତି ପାଇଲା ସୁରାକ୍‌</span></p> <p>ମର୍ଡର ପୂର୍ବରୁ ନିର୍ଝରଙ୍କୁ ହୋଇଥିବା ଫୋନ୍ କଲ୍‌କୁ ଟ୍ରାକ୍ କରି ଅଭିଯୁକ୍ତ ସମ୍ବିତ ନିକଟରେ ପହ଼ଞ୍ଚିଥିଲା ପୋଲିସ। ସେହିପରି ଶାଳୀ ଭିଣୋଇଙ୍କ ମଧ୍ୟରେ ହୋଇଥିବା ଅନ୍ତରଙ୍ଗ ଚାଟିଂ ପୋଲିସକୁ ସନ୍ଦେହର ଖୋରାକ ଯୋଗାଇଥିଲା । ତେବେ ପଚରାଉଚରା ପରେ ସମ୍ବିତ ଫେରାର ହୋଇଯିବାରୁ ତା ଉପରେ ପୋଲିସର ସନ୍ଦେହ ଘନିଭୁତ ହୋଇଥିଲା ।ବିଭିନ୍ନ ସ୍ଥାନରେ ଚଢାଉ ପରେ ଶେଷରେ କଟକରୁ ହତ୍ୟାକାରୀ ସମ୍ବିତଙ୍କୁ କାବୁ କରିଛି ପୋଲିସ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
