ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>କୁଚିଣ୍ଡା(ଓଡ଼ିଶା ରିପୋର୍ଟର): ଚାଷ ଉଦ୍ଦେଶ୍ୟରେ ଡିପ୍ ବୋର ୱେଲ୍‌ ଖୋଳାଯାଇଛି। ଚାଷୀଙ୍କୁ ମୋଟର ପମ୍ପ ବି ଯୋଗାଇ ଦିଆଯାଇଛି। ଉଦ୍ଦେଶ୍ୟ ଜମିକୁ ସବୁଦିନ ପାଇଁ ଜଳସେଚନର ସୁବିଧା ମିଳିବ। ପ୍ରକଳ୍ପକୁ ଏଯାଏଁ ବିଜୁଳି ସଂଯୋଗ ହୋଇନି। କିନ୍ତୁ ବିଦ୍ୟୁତ୍‌ ବିଭାଗ ତରଫରୁ ବିଲ୍‌ ଆସୁଛି। ଯାହାକୁ ନେଇ ସମ୍ବଲପୁର ଜିଲ୍ଲା କୁଚିଣ୍ଡା ବ୍ଲକର ବାଉରିଗୋଡ଼ା ଗାଁର ଚାଷୀ ହରଡ଼ଘଣାରେ ପଡ଼ିଛନ୍ତି।</p> <p>ଉଠା ଜଳସେଚନ ବିଭାଗ ପକ୍ଷରୁ ଏହି ଗାଁରେ ବସିଥିଲା ଏକାଧିକ ଡିପ୍ ବୋରେଓ୍ୱଲ। ଗତ ୨୦୧୫ରେ ପ୍ରାୟ କିଛି ପ୍ରକଳ୍ପ କାମ ଶେଷ ହୋଇଥିଲା। ଖାଲି ବାକି ଥିଲା ବିଦ୍ୟୁତ୍ ସଂଯୋଗ। ହେଲେ ସେବେଠାରୁ କିଛି ପ୍ରକଳ୍ପକୁ ବିଜୁଳି ସଂଯୋଗ ହୋଇ ନଥିଲେ ବି ଚାଷୀଙ୍କ ନାଁରେ ଆସୁଛି ବିଦ୍ୟୁତ୍ ବିଲ୍। ଗାଁର ଏମିତି ଜଣେ ଚାଷୀଙ୍କ ନାଁରେ ଆସିଛି ୯ ହଜାର ୧୬୮ ଟଙ୍କାର ବିଲ୍‌। ଯାହାକୁ ନେଇ ଆଶ୍ଚର୍ଯ୍ୟ ପ୍ରକାଶ କରିଛନ୍ତି ସଂପୃକ୍ତ ଚାଷୀ।<a href="">(image) </a></p> <p>ବିଦ୍ୟୁତ୍‌ ବିଭାଗର ଏଭଳି ତ୍ରୁଟି ସମ୍ପର୍କରେ ପଚାରିବାରୁ ସେମାନେ ଦୋଷ ଲଦିଛନ୍ତି ଉଠା ଜଳସେଚନ ପ୍ରକଳ୍ପ କର୍ତ୍ତୃପକ୍ଷଙ୍କ ଉପରେ। ବିଦ୍ୟୁତ୍‌ ବିଭାଗର କହିବା କଥା ଉଠା ଜଳସେଚନର ବିଭାଗର ରିପୋର୍ଟ ଅନୁସାରେ ସେମାନେ ଚାଷୀଙ୍କ ନାଁରେ ବିଲ୍‌ ପଠାଉଛନ୍ତି। ଉଠା ଜଳସେଚନ ବିଭାଗ ପକ୍ଷରୁ କହୁଯାଇଛି,“ ଏପରି ତ୍ରୁଟି ସମ୍ପର୍କରେ ସଂପୃକ୍ତ ଚାଷୀ ଲିଖିତ ଅଭିଯୋଗ କରି ନାହାନ୍ତି। ଅଭିଯୋଗ କଲେ ବିଜୁଳି ବିଭାଗକୁ ଚିଠି ଲେଖି ସଂଶୋଧନ କରାଯିବ।” ସରକାରୀ ଯୋଜନାର ଲାଭ ଉଠାଇବା ପୂର୍ବରୁ ଏହି ଗାଁର ଆଉ କିଛି ଚାଷୀ ବି ଏମିତି ସମସ୍ୟାର ସମ୍ମୁଖୀନ ହୋଇଥିବା ଅଭିଯୋଗ କରିଛନ୍ତି।</p> <p>https://www.youtube.com/watch?v=_8efg0usd08</p> <p>&nbsp;</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
