ଉମରକୋଟ(କାର୍ତ୍ତିକ ମଲ୍ଲିକ): ମକା ବାବଦରେ ବକେୟା ଟଙ୍କା ମାଗିବାରୁ ସଂଘବଦ୍ଧ ଆକ୍ରମଣର ଶିକାର ହୋଇଛନ୍ତି ମକା ଚାଷୀ । ଦଲାଲ ଆକ୍ରମଣରେ ଗୁରୁତର ହୋଇପଡ଼ିଥିବା ମକା ଚାଷୀ ଏନେଇ ଥାନାରେ ଏତଲା ଦେଇଛନ୍ତି। ନବରଙ୍ଗପୁର ଜିଲ୍ଲା ଉମରକୋଟ ସହରର ଢେପଗୁଡ଼ା ସାହିରେ ଏହି ଘଟଣା ଘଟିଛି।
ଉମରକୋଟ ଡିଏନ୍ କଲୋନୀରେ ରହୁଥିବା ଚାଷୀ ମଙ୍ଗଲ ଗାଇନ ଗତ ଜାନୁଆରୀ ମାସରେ ଢେପଗୁଡ଼ାସ୍ଥିତ ମକା ଦଲାଲ ଶ୍ୟାମ ଝାଙ୍କୁ ୬ ଲକ୍ଷ ୨୦ ହଜାର ଟଙ୍କାର ମକା ବିକ୍ରି କରିଥିଲେ । ଦଲାଲଜଣକ ୩ ଲକ୍ଷ ୨୦ ହଜାର ଟଙ୍କା ଦେଇଥିବା ବେଳେ ବାକି ୩ ଲକ୍ଷ ପାଇଁ ବାରମ୍ବାର ତାରିଖ ଦେଇ ସମୟ ଗଡ଼ାଇ ଆସୁଥିଲେ ।
ଗତକାଲି ବକେୟା ଟଙ୍କା ମାଗିବାକୁ ଚାଷୀ ମଙ୍ଗଲ ଗାଇନ ଦଲାଲଙ୍କ ଘରକୁ ଯାଇଥିଲେ। ହେଲେ ସେଠାରେ ଦଲାଲଜଣକ ନିଜର କିଛି ସହଯୋଗୀଙ୍କ ସହ ଲୁହା ରଡ଼ରେ ସମ୍ପୃକ୍ତ ଚାଷୀଙ୍କୁ ସଂଘବଦ୍ଧ ଆକ୍ରମଣ କରିଥିବା ଥାନାରେ ଅଭିଯୋଗ ହୋଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
