ନୂଆପଡ଼ା(ମାୟାଧର ସରାଫ୍): ରାସ୍ତାକୁ ଓହ୍ଲାଇଛନ୍ତି ନୂଆପଡ଼ା ଜିଲ୍ଲା ଖାସବାହାଲ ଓ ବଙ୍କାପୁର ଗାଁର ଚାଷୀ। ବାରମ୍ବାର ଅଭିଯୋଗ ସତ୍ତ୍ୱେ ଗତବର୍ଷର ଫସଲ ବୀମା ଟଙ୍କା ଓ ଲୋୟର ଇନ୍ଦ୍ର ଜଳସେଚନ ପ୍ରକଳ୍ପରୁ ଚାଷ ଜମିକୁ ଜଳସେଚନ ଯୋଗାଇ ଦିଆଯାଉ ନାହିଁ। ଏଥିରେ ଅତିଷ୍ଠ ହୋଇ ଉତ୍ତ୍ୟକ୍ତ ଚାଷୀମାନେ ବଙ୍କାପୁର ଗାଁ ନିକଟରେ ରାସ୍ତା ଅବରୋଧ କରିଛନ୍ତି। ଫଳରେ ଭବାନୀପାଟଣା- ଖଡ଼ିଆଳ ମଧ୍ୟରେ ଯାନବାହାନ ଚଳାଚଳ ଠପ୍ ହୋଇଯାଇଛି।
ଏହି ଦୁଇ ଗାଁ ଲୋକେ ଦୀର୍ଘ ଦିନ ହେବ ଜମିକୁ ଜଳସେଚନ ପାଇଁ ଦାବି କରି ଆସୁଥିଲେ । ମାତ୍ର ସମସ୍ୟାର ସମାଧାନ ହୋଇପାରି ନଥିବା ଅଭିଯୋଗ ହୋଇଛି। ଏଥିସହ ସେମାନେ ଗତ ୨୦୧୮ ମସିହାର ଫସଲ ବୀମା ଟଙ୍କା ଏ ଯାଏ ପାଇ ନାହାନ୍ତି। ବାରମ୍ବାର ଅଭିଯୋଗ କଲେ ମଧ୍ୟ କୌଣସି ଅଧିକାରୀ ଶୁଣୁ ନ ଥିବାରୁ ଆଜି ସକାଳ ୬ଟାରୁ ଅନିର୍ଦ୍ଧିଷ୍ଟ କାଳ ପର୍ଯ୍ୟନ୍ତ ସେମାନେ ରାସ୍ତା ଅବରୋଧ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
