ରୁପେଲି ପରଦାରେ ପ୍ରିନ୍ସ ଡାନ୍ସ ଗ୍ରୁପ୍‌ର ସଂଘର୍ଷ ଓ ସଫଳତାର କାହାଣୀ

<p>ବ୍ରହ୍ମପୁର: ନିଜ ଡାନ୍ସର ଯାଦୁରେ ଦର୍ଶକଙ୍କ ମନ ଜିତିଥିବା &lsquo;ପ୍ରିନ୍ସ ଡାନ୍ସ ଗ୍ରୁପ୍&rsquo; ଆଉ ଏକ ସଫଳତାର ସିଢ଼ି ଚଢ଼ିବାକୁ ଯାଉଛି। ୨୦୦୯ ମସିହା ଅଗଷ୍ଟ ୨୨ ତାରିଖରେ ରିୟଲିଟି ସୋ &lsquo;ଇଣ୍ଡିଆଜ୍ ଗଟ୍ ଟ୍ୟାଲେଣ୍ଟ&rsquo;ରେ ବାଜିମାତ୍ ପରେ ସଫଳତାର ଏକ ନୂଆ ଯାତ୍ରା ଆରମ୍ଭ କରିଥିଲା ବ୍ରହ୍ମପୁରର &lsquo;ପ୍ରିନ୍ସ ଡାନ୍ସ ଗ୍ରୁପ୍&rsquo;। ଆଉ ଏବେ ରିୟଲିଟି ସୋରୁ ରିଲ୍ ଆଡ଼କୁ ମୁହାଁଇଛି ପ୍ରିନ୍ସ ଡ୍ୟାନ୍ସ ଗ୍ରୁପ୍&zwnj;। ରୁପେଲି ପରଦାରେ ନିଜ ସଂଘର୍ଷ ଓ ସଫଳତାର କାହାଣୀ ବଖାଣିବ ପ୍ରିନ୍ସ ଡାନ୍ସ ଗ୍ରୁପ୍। ଏଥିପାଇଁ ଗ୍ରୁପ୍ ମୁଖ୍ୟ କ୍ରିଷ୍ଣା ମୋହନ ରେଡ୍ଡି ନିଜେ ତିଆରି କରୁଛନ୍ତି ଏକ ନୃତ୍ୟ ଭିତ୍ତିକ ଫିଲ୍ମ &lsquo;କ୍ରିଷ୍ଣା- ଷ୍ଟୋରି ଅଫ୍ ଏ ଡାନ୍ସର&rsquo;। ଫିଲ୍ମର ପ୍ରଯୋଜନା ଓ ନିର୍ଦ୍ଦେଶନା ଭାର ସମ୍ଭାଳିଛନ୍ତି ନିଜେ ଗ୍ରୁପ୍ ମୁଖ୍ୟ କ୍ରିଷ୍ଣା ମୋହନ ରେଡ୍ଡି। ମହୁରତ ପରେ ଗୋପାଳପୁର ବେଳାଭୂମିରେ ଚାଲିଛି ଫିଲ୍ମର ସୁଟିଂ।</p> <p>ଦିନ ମଜୁରିଆରୁ କ୍ରିଷ୍ଣା କିପରି ଡାନ୍ସର୍ ସାଜି ସାରା ଦେଶର ପ୍ରଶଂସା ସାଉଁଟିଛନ୍ତି। ଏହି ଫିଲ୍ମରେ ଚିତ୍ରିତ ହୋଇଛି। &nbsp;ଆଉ ଏହି ଫିଲ୍ମରେ ପ୍ରିନ୍ସ ଡାନ୍ସ ଗ୍ରୁପ୍&zwnj;ର ସଦସ୍ୟମାନେ ଅଭିନୟ କରୁଛନ୍ତି।&nbsp; ଗୋପାଳପୁର ନିକଟ ଆଲ୍ଲିପୁରରେ ଥିବା କ୍ରିଷ୍ଣାଙ୍କ ଡାନ୍ସ ଏକାଡେମୀରେ ଅନୁଷ୍ଠିତ ହୋଇଛି ଫିଲ୍ମର ମହୁରତ୍।</p> <p>ଏହି ଫିଲ୍ମର ଅଧିକାଂଶ କଳାକାରଙ୍କ ପାଇଁ ଏହା ହେଉଛି ପ୍ରଥମ ଫିଲ୍ମ।&nbsp; ତେଣୁ ନିଜ ଅଭିନୟକୁ ନେଇ ସମସ୍ତେ ଉତ୍ସାହିତ ଅଛନ୍ତି।</p>