ବନ୍ଦ ହୋଇଯିବ ଯାତ୍ରା ପାର୍ଟି?

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ବନ୍ଦ ହେବ ଯାତ୍ରା ଅନୁଷ୍ଠାନ। ଆଉ ଦେଖିବାକୁ ମିଳିବ ନାହିଁ ଝିଲ୍&zwnj;ମିଲ୍&zwnj; ଅଲୁଅରେ କଳାକାରଙ୍କ ଅଭିନୟ। ପାର୍ଟି ଗୁଡ଼ିକରେ ଆର୍ଥିକ ସଙ୍କଟ ଦେଖା ଦେଇଥିବାରୁ ମାଲିକମାନେ ମିଳିମିଶି ଏପରି ନିଷ୍ପତ୍ତି ନେଇଛନ୍ତି। ରାଜ୍ୟ ସରକାର ସହାୟତାର ହାତ ବଢ଼ାଇଲେ, ହୁଏତ ଯାତ୍ରା ପରିବେଷଣ ସମ୍ଭବ ହୋଇପାରିବ। ନହେଲେ ଆସନ୍ତା ବର୍ଷଠାରୁ ଯାତ୍ରା ପାର୍ଟି ଗୁଡ଼ିକ ସମ୍ପୂର୍ଣ୍ଣ ବନ୍ଦ କରିଦିଆଯିବ ବୋଲି ଯାତ୍ରା ପାର୍ଟି ମାଲିକ ସଂଘ ଆଜି ଘୋଷଣା କରିଛି।</p><p>କଳାକାର ଓ ଅନ୍ୟ କର୍ମଚାରୀଙ୍କୁ ପାଉଣା ଦେଇପାରୁ ନାହାନ୍ତି ଯାତ୍ରା ପାର୍ଟି ମାଲିକ। ସେଥିପାଇଁ ରାଜ୍ୟରେ ଅନେକ ଯାତ୍ରା ପାର୍ଟି ବନ୍ଦ ହେବାକୁ ବସିଲାଣି। ଆହୁରି ଅନେକ ପାର୍ଟି ଏବେ ଘୋର ଆର୍ଥିକ ସଙ୍କଟ ଦେଇ ଗତି କରୁଛନ୍ତି। ବହୁ କଳାକାର ପେଷା ହରାଇ ନାନା ହଇରାଣ ହେଉଛନ୍ତି।</p><p>ଓଡ଼ିଶା ଏକ କୃଷି ପ୍ରଧାନ ରାଜ୍ୟ। ଏଠାରେ ୮୦ ପ୍ରତିଶତ ଲୋକ ମଞ୍ଚ ନାଟକକୁ ମନୋରଞ୍ଜନର ଏକ ମାଧ୍ୟମ ଭାବେ ନେଇଥାଆନ୍ତି। ଏହା ସତ୍ତ୍ୱେ ପ୍ରଶାସନ ବିଭିନ୍ନ କଟକଣା ଲଗାଉଥିବାରୁ ଯାତ୍ରା ପରିବେଷଣ କରିବା ସମ୍ଭବ ହେଉନାହିଁ। ବେଳେବେଳେ ଯାତ୍ରା ପରିବେଷଣ ପାଇଁ ପ୍ରଶାସନ ଅନୁମତି ଦେଇ ପରବର୍ତ୍ତୀ ସମୟରେ ମନା କରୁଛି। ଯାହାଦ୍ୱାରା ଯାତ୍ରା ପାର୍ଟି ମାଲିକମାନେ ନାନା ଅସୁବିଧାରେ ପଡ଼ୁଛନ୍ତି। ଏଠି ମେଳା ମହୋତ୍ସବ ହେଉ ବା ରାଜନେତାଙ୍କ ରାଲି, ସେଥିପାଇଁ କଟକଣା ଲଗା ଯାଉନାହିଁ। ମାତ୍ର ଯାତ୍ରା ପରିବେଷଣ କରିବାକୁ କଣ ପାଇଁ କଟକଣା ଲଗା ଯାଉଛି? ଯାତ୍ରା ପାର୍ଟି ମାଲିକମାନେ କିଛି କହୁନଥିବାରୁ ପ୍ରଶାସନ ମନଇଚ୍ଛା ଏମିତି କଟକଣା ଲଗାଉଛି ବୋଲି ଅଭିଯୋଗ ହେଉଛି। ଦୀର୍ଘ ୫ ବର୍ଷ ହେଲା ଯାତ୍ରା ଅନୁଷ୍ଠାନ ଗୁଡ଼ିକ କ୍ଷତିରେ ଚାଲିଛି। ଆଗକୁ ଆଉ ପାର୍ଟି ଚଳାଇବା ସମ୍ଭବ ହେବନାହିଁ।</p><p>&lt;a href=&quot;&quot;&gt;(image) &lt;/a&gt;ଯାତ୍ରା ପାର୍ଟି ମାଲିକ ସଂଘର ସଭାପତି ସୌମ୍ୟରଞ୍ଜନ ପଟ୍ଟନାୟକ କହିଛନ୍ତି-&ldquo;ଲୋକଙ୍କୁ ମନୋରଞ୍ଜନ ଦେବା ପାଇଁ ଇଭିନିଂ ଶୋ&rsquo; ଯାତ୍ରା ଆରମ୍ଭ କରିଥିଲି। ମାତ୍ର ସେଥିରେ ମଧ୍ୟ ପ୍ରଚୁର କ୍ଷତି ହେଲା। କଳାକାରଙ୍କୁ ପଇସା ଦେବା ସମ୍ଭବପର ହେଉନାହିଁ। ପାର୍ଟି ଚଳାଇବା କଷ୍ଟକର ହେଉଛି। ଆୟ ଅପେକ୍ଷା ବ୍ୟୟ ଅଧିକ ହେଉଛି। ଏହାଛଡ଼ା ବିଭିନ୍ନ ସରକାରୀ କଟକଣା ଯୋଗୁଁ ମଧ୍ୟ ଯାତ୍ରା ପାର୍ଟି କ୍ଷତି ସହୁଛି। ଗ୍ରାମାଞ୍ଚଳରେ ଜଣେ ଗରିବ ଲୋକ ୨୦୦ ଟଙ୍କା ଦେଇ ଯାତ୍ରା ଦେଖିବା ସମ୍ଭବ ହେଉ ନାହିଁ। ସେଥିପାଇଁ ପାର୍ଟି ବନ୍ଦ ପାଇଁ ନିଷ୍ପତ୍ତି ନିଆଯାଇଛି।&rdquo;</p><p>କଳିଙ୍ଗ ଗଣନାଟ୍ୟ ମାଲିକ ପ୍ରଦୀପ ମହାରଥୀ କହିଛନ୍ତି-&ldquo;ପ୍ରଶାସନର କଟକଣା ଯୋଗୁଁ ବହୁ ଯାତ୍ରା ପାର୍ଟି କ୍ଷତି ସହୁଥିବାରୁ ଯାତ୍ରା ପରିବେଷଣ କରିବା ସମ୍ଭବ ହେଉ ନାହିଁ। ସେଥିପାଇଁ ଆସନ୍ତାବର୍ଷଠାରୁ ଯାତ୍ରା ବନ୍ଦ କରିବାକୁ ନିଷ୍ପତ୍ତି ନେଉଛୁ। ଏଥିରେ ସମସ୍ତ ମାଲିକଙ୍କ ସହମତି ରହିଛି।&rdquo;</p><p>ସେ କହିଛନ୍ତି-&ldquo;ରାଜ୍ୟ ସରକାର ଡାକିଲେ ଆମେ ଆଲୋଚନା ପାଇଁ ଯିବୁ। ସରକାର ଆମର କ୍ଷତି ଭରଣା କଲେ ଆମେ ଯାତ୍ରା ପରିବେଷଣ କରିବୁ। ବର୍ତ୍ତମାନ ସ୍ଥିତିରେ ସବୁଆଡ଼ୁ ଆମେ ନିରାଶ ହୋଇ ବରବାଦ ହେଲୁଣି। ଖାଲି ବଡ଼ଦାଣ୍ଡକୁ ଯିବାକୁ ବାକି ରହିଛି।&rdquo;</p><p>ପ୍ରେସମିଟରେ ମୋଟ ୨୩ଟି ଯାତ୍ରା ପାର୍ଟିର ମାଲିକ ସାମିଲ ହୋଇଥିଲେ। ପାର୍ଟି ବନ୍ଦ ହେଲେ ପ୍ରାୟ ୫ ହଜାର ଲୋକ କର୍ମସଂସ୍ଥାନ ହରାଇବେ। ରାଜ୍ୟ ସରକାର କ୍ଷତିଭରଣା କରି ପାର୍ଟି ପୁନର୍ବାର ଚାଲିପାରିବ।</p><p>https://youtu.be/zuSWKlQtU-8</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।