ସୋନପୁର (ରବୀନ୍ଦ୍ର ହୋତା): ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ଶୁଖା ଗାଁରେ ନିଆଁ ଲାଗି ବହୁ ଧାନ ପୋଡ଼ି ପାଉଁଶ ହୋଇଯାଇଛି। ପ୍ରାୟ ୭ ଏକର ଜମିରୁ ଅମଳ ହୋଇଥିବା ଧାନ ପୋଡ଼ି ପାଉଁଶ ହୋଇଯାଇଛି । ମନବୋଧ ନାଏକ ବିଲରୁ ଧାନ କାଟି ଗଦା ଦେଇଥିଲେ । ହେଲେ ଆଜି ସକାଳେ ଏହି ଧାନ ଗଦାରେ ନିଆଁ ଲାଗି ଯାଇଥିଲା ।
ଖବର ପାଇ ଡୁଙ୍ଗୁରିପାଲି ଦମକଳ କେନ୍ଦ୍ର କର୍ମଚାରୀ ପହଞ୍ଚି ନିଆଁକୁ ଆୟତ୍ତ କରିଥିଲେ। ହେଲେ ସେତେବେଳକୁ ଧାନ ସମ୍ପୂର୍ଣ୍ଣ ପୋଡ଼ି ପାଉଁଶ ହୋଇ ସାରିଥିଲା। ତେବେ ଅଗ୍ନିକାଣ୍ଡର କାରଣ ଜଣାପଡ଼ିନାହିଁ ।