ପଟିଆ ବିଗ୍‌ ବଜାର ଛକ ଭେଣ୍ଡିଂ ଜୋନ୍‌ରେ ଅଗ୍ନିକାଣ୍ଡ, ଜଳିଗଲା ୧୬ ଦୋକାନଘର

<p>ଭୁବନେଶ୍ୱର(ଓଡିଶା ରିପୋର୍ଟର): ଭୁବନେଶ୍ୱର ପଟିଆ ବିଗ୍&zwnj;ବଜାର ନିକଟ ବିମଏମ୍&zwnj;ସି ଭେଣ୍ଡିଂ ଜୋନରେ ଅଗ୍ନିକାଣ୍ଡ ଘଟିଛି। ଏଠାରେ ଥିବା ୧୬ଟି ଦୋକାନଘର ସମ୍ପୂର୍ଣ୍ଣ ରୂପେ ଜଳିଯାଇଛି । ଅଗ୍ନିକାଣ୍ଡରେ ଲକ୍ଷାଧିକ ଟଙ୍କାର ସମ୍ପତ୍ତି ପୋଡି ଛାରଖାର ହୋଇଯାଇଛି । ସୂଚନା ଅନୁସାରେ, ଆଜି ମଧ୍ୟାହ୍ନରେ ଭେଣ୍ଡିଂ ଜୋନ୍&zwnj; ପଛ ପାଖରେ ଏକ ଖାଲି ପ୍ଲଟରେ ଥିବା ଜଙ୍ଗଲରେ କେହି ନିଆଁ ଲଗାଇ ଦେଇଥିଲା । ଏହି ନିଅଁ କ୍ରମେ ଭେଣ୍ଡିଂ ଜୋନ୍ ଆଡ଼କୁ ମାଡ଼ି ଆସିଥିଲା । ପରେ ଗୋଟିଏରୁ ଗୋଟିଏ ଦୋକାନକୁ ନିଆଁ ଧରିଥିଲା । ଏସମ୍ପର୍କରେ ସୂଚନା ପାଇ ଅଗ୍ନିଶମ କର୍ମଚାରୀ ପହଞ୍ଚି ତୁରନ୍ତ ନିଅଁକୁ ଆୟତ୍ତ କରିବାକୁ ଚେଷ୍ଟା କରିଥିଲେ ସୁଦ୍ଧା ୧୬ଟି ଦୋକାନ ଘର ପୁରାପୁରି ପୋଡିଯାଇଛି।</p>