ଜଗତସିଂହପୁର (ଓଡ଼ିଶା ରିପୋର୍ଟର): ଜଗତସିଂହପୁର ଜିଲ୍ଲା ବାଲିକୁଦା ଥାନା ଅନ୍ତର୍ଗତ କଣିଆରେ ସାମାନ୍ୟ ବଚସାରୁ ଗୁଳିକାଣ୍ଡ ଘଟିଛି। ତେବେ ଏଥିରେ କାହାର କିଛି କ୍ଷତି ହୋଇନି।
ସୂଚନା ଅନୁସାରେ, ଗତକାଲି ଅଲାଭର ଗାଁର ସାଗର ମଲ୍ଲିକ ଓ ରାକେଶ ଦାସ ସେମାନଙ୍କର ଅନ୍ୟ ଦୁଇ ଜଣ ସାଙ୍ଗଙ୍କ ସହିତ କଣିଆରେ ଥିଲେ। କୌଣସି କାରଣରୁ ସେଠାରେ ସେମାନଙ୍କର କୁଳିଆଗାଁର କୁଳମଣି ଦାସଙ୍କ ସହିତ ବଚସା ହୋଇଥିଲା। ଏହି ସମୟରେ ସାଗର ବନ୍ଧୁକ ବାହାର କରି କୁଳମଣିଙ୍କ ଉପରକୁ ଗୁଳି ଚଳାଇଥିଲା। ତେବେ କୁଳମଣି ନଇଁ ପଡ଼ିବାରୁ ତାଙ୍କ ଦେହରେ ଗୁଳି ବାଜି ନଥିଲା।
ଗୁଳିମାଡ଼ ପରେ ସେଠାରେ ଉପସ୍ଥିତ ଲୋକେ ସାଗର ଓ ରାକେଶଙ୍କୁ ଧରି ନିସ୍ତୁକ ମାଡ଼ ମାରିଥିଲେ। ଖବର ପାଇ ପୁଲିସ୍ ସେଠାରେ ପହଞ୍ଚିଥିଲା ରାକେଶକୁ ଗିରଫ କରିଥିଲା। ସାଗର ଓ ତାଙ୍କର ଅନ୍ୟ ଦୁଇ ବନ୍ଧୁ କୌଣସି ମତେ ସେଠାରୁ ଖସି ପଳାଇବାରେ ସକ୍ଷମ ହୋଇଥିଲେ।
ଲୋକଙ୍କ ମାଡ଼ରେ ଆହତ ରାକେଶଙ୍କୁ ବାଲିକୁବା ଡାକ୍ତରଖାନାରେ ଭର୍ତ୍ତି କରାଯାଇଛି। ପୁଲିସ୍ ଘଟଣାର ତଦନ୍ତ କରୁଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
