ଭୁବନେଶ୍ୱର(ଓଡ଼ିଶା ରିପୋର୍ଟର): ଓସିଏର ପୂର୍ବତନ ସମ୍ପାଦକ ଆଶୀର୍ବାଦ ବେହେରାଙ୍କୁ ହାଇକୋର୍ଟ ସର୍ତ୍ତମୂଳକ ଜାମିନ ଦେଇଛନ୍ତି। ଦେଢ଼ ଲକ୍ଷ ଟଙ୍କାର ଦୁଇ ଜାମିନଦାରଙ୍କ ବଦଳରେ ତାଙ୍କୁ ଜାମିନ ମିଳିଛି। ଏଥିସହ ପାସ୍ପୋର୍ଟ ସରେଣ୍ଡର କରିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି। ସାକ୍ଷୀମାନଙ୍କୁ ପ୍ରଭାବିତ ନକରିବା ଓ ତଦନ୍ତ ପ୍ରଭାବିତ ନକରିବାକୁ ମଧ୍ୟ ସର୍ତ୍ତ ରହିଛି। ଗତ ସେପ୍ଟେମ୍ୱର ୧୯ ତାରିଖରେ ଏଟି ଚିଟ୍ଫଣ୍ଡ ମାମଲାରେ ଆଶୀର୍ବାଦଙ୍କୁ ସିବିଆଇ ଗିରଫ କରିଥିଲା।
ଜାମିନ ବିହୀନ ପରଓ୍ୱାନା ବଳରେ ଆଶୀର୍ବାଦଙ୍କୁ ଗିରଫ କରାଯାଇ ଥିଲା । ତାଙ୍କ ସହ ହୋଟେଲ ମାଲିକ କମଳାକାନ୍ତ ଦାସଙ୍କୁ ମଧ୍ୟ ଗିରଫ କରିଥିଲା ସିବିଆଇ। କମଳାକାନ୍ତ ଅର୍ଥତତ୍ତ୍ୱ କମ୍ପାନୀ ସହ ଜମି ଡିଲ୍ କରି କୋଟି କୋଟି ଟଙ୍କା ହଡପ୍ କରିଥିବା ଅଭିଯୋଗରେ ଗିରଫ ହୋଇ ଥିଲେ। ଗିରଫ ପୂର୍ବରୁ ଉଭୟ କମଳାକାନ୍ତ ଓ ଆଶୀର୍ବାଦଙ୍କୁ ବହୁ ଥର ଜେରା କରିଥିଲା ସିବିଆଇ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
