ଭୁବନେଶ୍ୱର(ଓଡ଼ିଶା ରିପୋର୍ଟର): ଗଞ୍ଜାମ ଦିଗପହଣ୍ଡିରେ ଚଳନ୍ତା ଅଟୋରୁ ଖସି ପ୍ରଥମ ଶ୍ରେଣୀ ଛାତ୍ରଙ୍କ ଦାରୁଣ ମୃତ୍ୟୁ ପରେ ରାଜ୍ୟ ସରକାର ଗ୍ରହଣ କରିଛନ୍ତି କଡ଼ା ଆଭିମୁଖ୍ୟ। ପିଲାଙ୍କୁ ଅଟୋରେ ସ୍କୁଲ ନେବା ଆଣିବା କଲେ କଠୋର କାର୍ଯ୍ୟାନୁଷ୍ଠାନ ନିଆଯିବ। ଏହି ଚରମ ବାଣୀ ଶୁଣାଇଛନ୍ତି ପରିବହନ ମନ୍ତ୍ରୀ ପଦ୍ମନାଭ ବେହେରା। ରାଜ୍ୟ ସରକାରଙ୍କ ନିର୍ଦ୍ଦେଶନାମା ସତ୍ତ୍ୱେ ଯିଏ ଏହାକୁ ଉଲ୍ଲଂଘନ କରିବ, ତା ବିରୋଧରେ କଡ଼ା ପଦକ୍ଷେପ ନିଆଯିବ। ଏପରିକି ସେହି ସ୍କୁଲକୁ ବ୍ୟାନ ମଧ୍ୟ କରାଯାଇପାରେ ବୋଲି ଚେତାଇ ଦେଇଛନ୍ତି ପରିବହନ ମନ୍ତ୍ରୀ।
୨୦୧୬ର ଗାଇଡ୍ ଲାଇନ୍କୁ ବେଖାତିର କରି ଏବେ ମଧ୍ୟ ବହୁ ସ୍କୁଲ ପିଲାଙ୍କୁ ଅଟୋରେ ଲଦାଲଦି କରି ନେଉଛନ୍ତି। ଯେଉଁଥିପାଇଁ କିଛି ଦିନ ତଳେ ଦିଗପହଣ୍ଡିରେ ଏକ ଦୁର୍ଘଟଣା ଘଟିଥିଲା। ଚଳନ୍ତା ଅଟୋରୁ ଖସି ଜଣେ ଛାତ୍ରର ମୃତ୍ୟୁ ଘଟିଥିଲା। ଏହି ଘଟଣା ସମଗ୍ର ରାଜ୍ୟରେ ଆଲୋଡ଼ନ ଖେଳାଇ ଦେଇଥିଲା। ସମ୍ପୃକ୍ତ ସ୍କୁଲ କର୍ତ୍ତୃପକ୍ଷଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ପାଇଁ ଦାବି ହୋଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
