ଭୁବନେଶ୍ୱର(ଓଡ଼ିଶା ରିପୋର୍ଟର): ରାଜଧାନୀ ଭୁବନେଶ୍ୱର କଳ୍ପନା ଛକରେ ଜଣେ ଯୁବତୀଙ୍କୁ ଜଣେ ଏସ୍ଏସ୍ବି ପୁଲିସ ପିଛା କରିଥିଲେ। ପରେ ତାଙ୍କୁ ଟଣାଓଟରା କରିଥିବାକୁ ଉଦ୍ୟମ କରିଥିଲେ। ତା’ପରେ ଯୁବତୀ ଜଣକ ଦେଇଥିଲେ ୪୪୦ ଭୋଲ୍ଟ ଝଟକା। ସମସ୍ତଙ୍କ ସମ୍ମୁଖରେ ଗୋଇଠା ପରେ ଗୋଇଠା ମାଡ଼ ମାରିଥିଲେ।
ଗଞ୍ଜାମ ଗୋଳନ୍ଥରା ଅଞ୍ଚଳର ଜଣେ ଯୁବକ ପପୁ(ଛଦ୍ମନାମ)ରେ ସ୍ପେଶାଲ୍ ସିକ୍ୟୁରିଟି ବାଟାଲିୟନ୍(ଏସ୍ଏସ୍ବି) କାର୍ଯ୍ୟକରନ୍ତି। ଆଜି ସେ କଳ୍ପନା ଛକରେ ଜଣେ ଯୁବତୀଙ୍କୁ ପିଛା କରିଥିଲା। ଆଉ ସମୟ ସୁବିଧା ଦେଖି ତାଙ୍କୁ ଟଣାଓଟରା କରିବାକୁ ଚେଷ୍ଟା କରୁଥିଲେ। ଏହା ଜାଣିପାରି ଯୁବତୀ ଜଣକ ଚିତ୍କାର କରିଥିଲେ। ସ୍ଥାନୀୟ ଲୋକେ ପପୁକୁ କାବୁ କରିନେଇଥିଲେ। ପରେ ଯୁବତୀ ଜଣକ ଗୋଇଠା ପରେ ଗୋଇଠା ମାରିଥିଲେ। ଯୁବତୀଙ୍କ ରାଗ ଏତେ ଥିଲା ଯେ, ଶେଷରେ ନିଜ ପାଦରୁ ଚପଲ ଖୋଲି ପିଟିଥିଲେ। ଏପରିକି ସେହି ରାସ୍ତା ଦେଇ ଯାଉଥିବା ଆଉ କିଛି ମହିଳା ମଧ୍ୟ ପପୁକୁ ମାଡ଼ ମାରିଥିଲେ। କ୍ୟାପିଟାଲ୍ ଥାନା ପୁଲିସ ଘଟଣାସ୍ଥଳରେ ପହଞ୍ଚି ସମ୍ପୃକ୍ତ ଯୁବକଙ୍କୁ ଉଦ୍ଧାର କରିଛି।
Girl thrashes a youth on road for allegedly misbehaving with her near Kalpana square in #Bhubaneswar #Odisha pic.twitter.com/FRJnnTspjl
— OTV (@otvnews) February 16, 2020
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
