ବାଲେଶ୍ୱର: ବାଲେଶ୍ୱର ପୁଲିସ୍ ୫ ଜଣ ଡକାୟତ ଓ ୨ ସୁନା ଦୋକାନୀଙ୍କୁ ଗିରଫ କରିଛି। ସେମାନଙ୍କ ପାଖରୁ ୧୫ ଲକ୍ଷ ଟଙ୍କାର ସୁନା ଅଳଙ୍କାର, ଲାପଟପ୍, ମୋବାଇଲ୍, ଘଣ୍ଟା ଏବଂ ନଗଦ ୩୬ ହଜାର ଟଙ୍କା ଜବତ କରାଯାଇଛି।
ଗତ ୨୭ ତାରିଖ ଦିନ ସୁନହଟ ଅଞ୍ଚଳରେ ରହୁଥିବା ସଂଘମିତ୍ରା ବେହେରା ଓ ଅନ୍ୟ ଦୁଇ ଜଣଙ୍କ ଘରୁ ଚୋରି ହୋଇଥିଲ। ଏ ନେଇ ସେମାନେ ଥାନାରେ ମାମଲା ରୁଜୁ କରିଥିଲେ।
ମାମଲା ଆଧାରରେ ପୁଲିସ ବାଲେଶ୍ୱରର ବିଭିନ୍ନ ଥାନାରେ ଚଢ଼ଉ ଆରମ୍ଭ କରିଥିଲା। ଚଢ଼ଉ ପରେ ଏଥିରେ ସମ୍ପୃକ୍ତ ଥିବା ୫ ଡକାୟତଙ୍କୁ ଗିରଫ କରିଥିଲା।
ଏହି ଡକାୟତମାନେ ଅଳଙ୍କାର ବିକ୍ରି କରିଥିବା ଦୁଇ ସୁନା ଦୋକାନୀଙ୍କୁ ମଧ୍ୟ ପୁଲିସ ଗିରଫ କରିଛି। ତେବେ ଏହି ଡକାୟତି ଘଟଣାର ମାଷ୍ଟରମାଇଣ୍ଡ ରଞ୍ଜନ ସାହୁ ଫେରାର୍ ଅଛି ଥିବା ପୁଲିସ ସୂଚନା ଦେଇଛି।