କଲେଜର ଭିତ୍ତିଭୂମି ବିକାଶ ପାଇଁ ‘ମୋ କଲେଜ’ ଯୋଜନା କରିବେ ସରକାର

ଭୁବନେଶ୍ୱର(ଓଡ଼ିଶା ରିପୋର୍ଟର): ‘ମୋ ସ୍କୁଲ୍’ ଭଳି ଖୁବ୍‌ଶୀଘ୍ର ’ମୋ କଲେଜ’ ଯୋଜନା ଆରମ୍ଭ କରିବେ ରାଜ୍ୟ ସରକାର। କଲେଜଗୁଡ଼ିକର ଭିତ୍ତିଭୂମି ବିକାଶ ଲକ୍ଷ୍ୟରେ ଖୁବ୍‌ଶୀଘ୍ର ଏହି ଯୋଜନା ଆରମ୍ଭ କରାଯିବ। ଆଜି ବିଧାନସଭାରେ ଉଚ୍ଚଶିକ୍ଷା ମନ୍ତ୍ରୀ ଅରୁଣ ସାହୁ ଏହି ସୂଚନା ଦେଇଛନ୍ତି।

ରାଜ୍ୟରେ ଉଚ୍ଚ ଶିକ୍ଷାର ଗୁଣାତ୍ମକ ମାନ ହ୍ରାସ ପାଉଥିବା ପ୍ରସଙ୍ଗରେ ବିଜେପି ବିଧାୟକ ମୋହନ ମାଝୀଙ୍କ ଦ୍ୱାରା ଆଗତ ମୁଲତବୀ ପ୍ରସ୍ତାବ ଆଲୋଚନା ବେଳେ ମନ୍ତ୍ରୀ ଏହି ସୂଚନା ଦେଇଛନ୍ତି। ରାଜ୍ୟରେ ଗବେଷଣା ଲାଗି ଭିତ୍ତିଭୂମି ନଥିବା, ବିଶ୍ୱବିଦ୍ୟାଳୟଗୁଡ଼ିକ ଜରାଜୀର୍ଣ୍ଣ ଅବସ୍ଥାରେ ଥିବା ଓ ଦେଶରେ ଶ୍ରେଷ୍ଠ ୧୦୦ କଲେଜ ତାଲିକାରେ ରାଜ୍ୟର କୌଣସି ସରକାରୀ ଶିକ୍ଷାନୁଷ୍ଠାନ ସ୍ଥାନ ନପାଇବା ଦୁର୍ଭାଗ୍ୟଜନକ ବୋଲି କହିଥିଲେ ମୋହନ ମାଝୀ।

ସେହିପରି ବରିଷ୍ଠ କଂଗ୍ରେସ ନେତା ନରସିଂହ ମିଶ୍ର ବିଶ୍ୱବିଦ୍ୟାଳୟ ଗୁ଼ଡିକରେ ପଦବୀ ଖାଲି ପଡ଼ିବା, ଆଇନ୍ ଶିକ୍ଷା ପାଇଁ ସୁଯୋଗ ନଥିବା ଆଦି ପ୍ରସଙ୍ଗ ଉଠାଇଥିଲେ।