ପୁରୀ(ଓଡ଼ିଶା ରିପୋର୍ଟର): ବର୍ଷେ ତଳେ ଫନି ଦାଉ ସାଧିଥିଲା । ଆଉ ଏବେ କରୋନା ସଂକ୍ରମଣ ଡର ହେଉ କି ସଟଡାଉନ୍-ଲକ୍ଡାଉନ୍ କଟକଣା । ପୁରୀରୁ ଗୋପାଳପୁର ସବୁଠି ଘାଇଲା ହୋଟେଲ ଶିଳ୍ପ । ଆଖି ଆଗରେ ବେପାର ସିଜିନ୍ ମାଡ଼ ହେଉଛି । ତେଣୁ ଏଭଳି ସ୍ଥିତିରେ ସେମାନେ ବି ମାଗିଲେଣି ସରକାରୀ ସହାୟତା ।
ପର୍ଯ୍ୟଟନର ଅପରୂପ ସମ୍ଭାର ପୁରୀ। ଯେଉଁଠିକୁ ଆସିଲେ ଜଗନ୍ନାଥ ଦର୍ଶନ ସାଙ୍ଗକୁ ମିଳେ ଭରପୁର ମନୋରଞ୍ଜନ। ସେ ସ୍ୱର୍ଣ୍ଣାଭ ବେଳାଭୂମୀରେ ଭ୍ରମଣ ହେଉ କି ସମୁଦ୍ର ସ୍ନାନ ମଜା । ବର୍ଷତମାମ ଦେଶ ବିଦେଶରୁ ସେଥିପାଇଁ ଏଠାକୁ ଛୁଟିଥାଏ ପଯର୍ୟଟକଙ୍କ ସୁଅ । ରାତି ପାହିଲେ ଯେଉଁ ସମୁଦ୍ର କୂଳ ଗହଳିରେ ମୁଖରିତ ହୁଏ ଆଜି ସେ ସ୍ଥାନ ଖାଁ ଖାଁ । କାରଣ କରୋନା ସଂକ୍ରମଣ ଡର ସାଙ୍ଗକୁ ସଟ୍ଡାଉନ୍, ଲକ୍ଡାଉନ୍ କଟକଣା ଯୋଗୁଁ ମୋଟେ ଆସୁ ନାହାନ୍ତି ଟୁରିଷ୍ଟ। ଏଣେ ଦୀର୍ଘ ୬ମାସ ହେଲାଣି ଅର୍ଥନୈତିକ ମାଡ଼ରେ ସମ୍ପୂର୍ଣ୍ଣ ଘାଇଲା
ଏଠିକାର ହୋଟେଲ ଶିଳ୍ପ । ପ୍ରାୟ ୮୦୦ରୁ ଅଧିକ ହୋଟେଲ ଓ ଲଜ୍ ବେପାର ବୁଡ଼ିଛି । କିଛି ହୋଟେଲ ତ ୟା ଭିତରେ ଶତ ପ୍ରତିଶତ କର୍ମଚାରୀଙ୍କୁ ବି ଛଟେଇ କରି ସାରିଲେଣି । ମାର୍ଚ୍ଚ-ଏପ୍ରିଲରେ ସମର ଭ୍ୟାକେସନ୍ ବେପାର ଧୋଇଗଲା। ଏବେ ପାର୍ବଣ ଋତୁ ଆରମ୍ଭ ହୋଇଛି ସତ, ହେଲେ କରୋନାର କହର କମିନଥିବାରୁ ସେ ବେପାର ବି ବୁଡ଼ିବା ଆଶଙ୍କା ଜଳଜଳ ଦେଖାଯାଉଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
