ଆସୁଛି ମାଷ୍ଟର ପ୍ଲାନ୍‌ : ପ୍ରଚଣ୍ଡ ବୈଶାଖରେ ଲାଗିବ ବସନ୍ତର ଅନୁଭବ

<p>ଭୁବନେଶ୍ୱର:(ଓଡ଼ିଶା ରିପୋର୍ଟର):ପ୍ରତି ବର୍ଷ ଗ୍ରୀଷ୍ମ ଦିନେ ଭୁବନେଶ୍ୱରରେ ଅସହ୍ୟ ଗରମ ହେଉଛି । &nbsp;ଲୋକଙ୍କ ଜୀବନଯାପନରେ ଏହାର ପ୍ରଭାବ ପଡୁଛି। &nbsp;&nbsp;ପ୍ରଚଣ୍ଡ ଗ୍ରୀଷ୍ମପ୍ରବାହର ମୁକାବିଲା କରି କିପରି ଲୋକଙ୍କ ଉପରେ ଏହାର କମ୍ ପ୍ରଭାବ ପଡ଼ିବ, ସେଥିପାଇଁ ପ୍ରସ୍ତୁତ ହେବ ଆକ୍ସନ ପ୍ଲାନ । &nbsp;ଅର୍ଥାତ &nbsp;ପ୍ରଚଣ୍ଡ ବୈଶାଖରେ ତାତିରେ ସାମାନ୍ୟ ବସନ୍ତର ଅନୁଭବ ଲାଗିବ। କାନାଡ଼ାର ଇଣ୍ଟରନ୍ୟାସନାଲ୍ ଡେଭଲପ୍&zwnj;ମେଣ୍ଟ&nbsp; ରିସର୍ଚ୍ଚ ସେଣ୍ଟର ପ୍ରସ୍ତୁତ କରିବ ହିଟ୍ ଷ୍ଟ୍ରେସ୍&nbsp; ଆକ୍ସନ୍ ପ୍ଲାନ୍ । &nbsp;&nbsp;ଭୁବନେଶ୍ୱର ସହିତ ଆମ ଦେଶର ଦିଲ୍ଲୀ ଓ ରାଜକୋଟକୁ ମଧ୍ୟ ଏହି ଯୋଜନାରେ ସାମିଲ କରାଯାଇଛି। ଗ୍ରୀଷ୍ମ ଆସୁ ଆସୁ ଅସହ୍ୟ ତାତି ଓ ଝାଞ୍ଜିରେ ଅସ୍ତବ୍ୟସ୍ତ ହୁଏ ଜନଜୀବନ। ପ୍ରଚଣ୍ଡ ଖରାର ବେଶୀ ପ୍ରଭାବ ପଡ଼େ ବସ୍ତି ଅଞ୍ଚଳରେ ରହୁଥିବା ଶ୍ରମିକ ଶ୍ରେଣୀ, ମହିଳା ଓ ବୟସ୍କ ଲୋକଙ୍କ ଉପରେ। &nbsp;&nbsp;ତେଣୁ ଲୋକଙ୍କୁ ଏଥିରୁ ରକ୍ଷା କରିବାକୁ ପ୍ରସ୍ତୁତ ହେବ ଆକ୍ସନ ପ୍ଲାନ।</p><p>କାନାଡ଼ାର ଇଣ୍ଟର ନ୍ୟାସନାଲ୍&nbsp; ଡେଭଲପ୍&zwnj;ମେଣ୍ଟ ରିସର୍ଚ୍ଚ ସେଣ୍ଟର ଓ ଦିଲ୍ଲୀର ଇଣ୍ଟିଗ୍ରେଟେଡ୍ ରିସର୍ଚ୍ଚ ଆଣ୍ଡ ଆକ୍ସନ ଫର୍ ଡେଭଲପ୍&zwnj;ମେଣ୍ଟର ମିଳିତ ସହଯୋଗରେ ପ୍ରସ୍ତୁତ ହେବ ହିଟ୍ ଷ୍ଟ୍ରେସ୍ ଆକ୍ସନ ପ୍ଲାନ। &nbsp;&nbsp;ଏଥିରେ ଭାରତର ତିନିଟି ସହର ଭୁବନେଶ୍ୱର, ଦିଲ୍ଲୀ ଓ ରାଜକୋଟ ସାମିଲ ହୋଇଛି। ଏଥିପାଇଁ ଆସନ୍ତା ୩୧ ତାରିଖରୁ ଦିଲ୍ଲୀରେ ତିନିଦିନିଆ ବୈଠକ ହେବ। &nbsp;&nbsp;ଏଥିରେ ଯୋଗ ଦେବେ ତିନିଟି ସହରର ଅଧିକାରୀଙ୍କ ସମେତ ବିଶେଷଜ୍ଞ ଓ ପରିବେଶବିତ୍ । ୨୦୧୨ ମସିହାରେ ଭୁବନେଶ୍ୱର ଥିଲା ରାଜ୍ୟର ସବୁଠୁ ଉତ୍ତପ୍ତ ସହର।&nbsp;&nbsp; ୨୦୧୨ ଜୁନ ୬ ରେ ଏଠାରେ ସର୍ବାଧିକ ତାପମାତ୍ରା ୪୬.୭&nbsp; ଡିଗ୍ରୀ ସେଲ୍ସିଅସ୍ ରେକର୍ଡ କରାଯାଇଥିଲା। &nbsp;ଏହା ସହିତ&nbsp; ଜୁନ ୫ ରେ ୪୫.୯ ଡିଗ୍ରୀ। &nbsp;ଜୁନ&nbsp; ୭ ରେ ୪୬.୬ ଡିଗ୍ରୀ ଏବଂ ଜୁନ ୮ ରେ&nbsp; ୪୫.୬ ଡିଗ୍ରୀ ସେଲ୍ସିଅସ୍ ତାପମାତ୍ରା ରେକର୍ଡ କରାଯାଇଥିଲା । &nbsp;ଗୋଟିଏ ବର୍ଷରେ ଲଗାତର ଏଭଳି ଉଚ୍ଚ ତାପମାତ୍ରା ରହିବା ବିରଳ।</p><p>ଏହା ଆଗରୁ ୨୦୦୫&nbsp; ଜୁନ୍ ୧୨ରେ ଭୁବନେଶ୍ୱରର ତାପମାତ୍ରା ରହିଥିଲା ୪୬.୩ ଡିଗ୍ରୀ ସେଲ୍ସିଅସ୍ । &nbsp;ସେହିପରି ୧୯୬୭ ମସିହା ଜୁନ୍ ୫ ତାରିଖରେ ମଧ୍ୟ ଭୁବନେଶ୍ୱରର ତାପମାତ୍ରା ୪୬.୩ ଡିଗ୍ରୀ ସେଲ୍ସିଅସ୍ ରହିଥିଲା। ଜଳବାୟୁ ପରିବର୍ତ୍ତନ ଯୋଗୁଁ ଆଗାମୀ ବର୍ଷଗୁଡ଼ିକରେ ମଧ୍ୟ ପ୍ରଚଣ୍ଡ ଗ୍ରୀଷ୍ମ ପ୍ରବାହ ହେବ ବୋଲି ସତର୍କ କରି ଦିଆଯାଇଛି ।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।