କେମିତି ଅଛି ଜଗାର ଅବସ୍ଥା ? ବାପା କ’ଣ ଚାହୁଛନ୍ତି, କ’ଣ କହିଲେ ସ୍ୱାସ୍ଥ୍ୟମନ୍ତ୍ରୀ, ପଢନ୍ତୁ

<p>ନୂଆଦିଲ୍ଲୀ:(ଓଡ଼ିଶା ରିପୋର୍ଟର): ବର୍ତ୍ତମାନ ସ୍ଥିତିରେ ଦିଲ୍ଲୀ ଏଏମ୍ସରୁ ଓଡ଼ିଶା ଫେରିବାକୁ ଅମଙ୍ଗ ଜଗା-କାଳିଆଙ୍କ ବାପା। &nbsp;ଜଗା ଭଲ ଅଛି, ହେଲେ କାଳିଆର ସ୍ୱାସ୍ଥ୍ୟରେ ଉନ୍ନତି ଆସି ନ ଥିବାରୁ ଓଡିଶା ଆସିଲେ ସ୍ୱାସ୍ଥ୍ୟବସ୍ଥା ବିଗିଡି ପାରେ ବୋଲି ସେ ଆଶଙ୍କା କରିଛନ୍ତି। ସେପଟେ ସ୍ୱାସ୍ଥ୍ୟମନ୍ତ୍ରୀ କହିଛନ୍ତି ଦୁଇ ଶିଶୁଙ୍କୁ ସେଠାରେ ଅଧିକ ଦିନ ରଖିବା ଲାଗି ସରକାରଙ୍କ ପକ୍ଷରୁ ଦିଲ୍ଲୀ ଏଏମସ୍&zwnj;କୁ ଅନୁରୋଧ କରାଯାଇଛି। କାଳିଆର ସ୍ୱାସ୍ଥ୍ୟବସ୍ଥାରେ ସେଭଳି ଆଖିଦୃଶିଆ ଉନ୍ନତି ଆସିନାହିଁ। &nbsp;ଏବେ ବି ତାକୁ ଖାଦ୍ୟ ନଳୀ ଯୋଗେ ଖାଇବାକୁ ଦିଆଯାଉଛି । ନିକଟରେ ହୋଇଥିବା ସ୍କ୍ରିନ୍ ଗ୍ରାଫ୍ ବି ଭଲ ହୋଇନି । ତେଣୁ ଏଭଳି ଅବସ୍ଥାରେ ତାକୁ ସ୍ଥାନାନ୍ତର କଲେ ସ୍ୱାସ୍ଥ୍ୟବସ୍ଥା ବିଗିଡ଼ିପାରେ ।</p> <p>ଏଭଳି ଆଶଙ୍କା କରି ଦିଲ୍ଲୀ ଏଏମ୍ସରୁ ଓଡ଼ିଶା ଫେରିବାକୁ ଅମଙ୍ଗ ଜଗା ଓ କାଳିଆଙ୍କ ବାପା ଭୂୟାଁ କହଁର । ଭୂୟାଁ କହିଛନ୍ତି ଦିଲ୍ଲୀରେ କାଳିଆର ଚିକିତ୍ସା ଠିକ୍ ଚାଲିଛି। ଏଠୁ ସ୍ଥାନାନ୍ତର କରିନେଲେ ଅସୁବିଧା ହୋଇପାରେ। &nbsp;ତେବେ ଆଗକୁ ଡିସଚାର୍ଜ ହେଲେ ଭୁବନେଶ୍ୱର ଏଏମ୍ସରେ ଚିକିତ୍ସା ବ୍ୟବସ୍ଥା କରାଇବାକୁ ସେ ଅନୁରୋଧ କରିଛନ୍ତି।</p> <p>ସେପଟେ ଗତ ସପ୍ତାହରେ ଜାଗା କାଳିଆଙ୍କ ସ୍ୱାସ୍ଥ୍ୟବସ୍ଥା ସମ୍ପର୍କରେ ଅନୁଧ୍ୟାନ କରିବାକୁ ଦିଲ୍ଲୀ ଏଏମ୍ସ ଯାଇଥିବା ଓଡ଼ିଶା ଡାକ୍ତରୀଦଳ ବି ଫେରି ସରକାରଙ୍କୁ ଅବଗତ କରିଛନ୍ତି । ଯେହେତୁ ଦିଲ୍ଲୀ ଏଏମ୍ସରେ ଏହି ଯୋଡ଼ା ମୁଣ୍ଡ ଶିଶୁଙ୍କ ଅପରେସନ ହୋଇଥିଲା, ତେଣୁ ସମ୍ପୂର୍ଣ୍ଣ ଚିକିତ୍ସା ସରିବା ଯାଏଁ ଆଉ କିଛି ଦିନ ସେଠାରେ ରଖିବାକୁ ଓଡ଼ିଶା ସରକାରଙ୍କ ପକ୍ଷରୁ ଅନୁରୋଧ କରାଯିବ ବୋଲି କହିଛନ୍ତି ସ୍ୱାସ୍ଥ୍ୟମନ୍ତ୍ରୀ। କନ୍ଧମାଳ ମିଲୁପଡ଼ାରେ ଯୋଡ଼ାମୁଣ୍ଡ ଶିଶୁ ଜଗାକାଳିଆଙ୍କ ଗତ ବର୍ଷ ଅକ୍ଟୋବର ମାସରେ ଦିଲ୍ଲୀ ଏଏମ୍ସରେ ସଫଳ ଅପରେସନ କରାଯାଇ ଉଭୟଙ୍କୁ ଅଲଗା କରାଯାଇଥିଲା। &nbsp;ଯାହାଙ୍କ ସମ୍ପର୍କରେ ପ୍ରଥମେ ଓଟିଭିରେ ଖବର ପ୍ରସାରଣ ହୋଇଥିଲା।</p> <p>&amp;nbsp;</p>