ଭୁବନେଶ୍ୱର(ଓଡ଼ିଶା ରିପୋର୍ଟର):ଭୁବନେଶ୍ୱର ରାଜଭବନ ନିକଟ ପେଟ୍ରୋଲ ପମ୍ପ ବିସ୍ଫୋରଣ ପୂର୍ବରୁ କେମିତି ଚାଲିଥିଲା କାମ କିଭଳି ଥିଲା ବିସ୍ଫୋରଣ ପୂର୍ବର ଦୃଶ୍ୟ ଏହାର ଟିକିନିକି ଭିଡିଓ କରୁଥିଲେ ବିସ୍ଫୋରଣରେ ମୃତ ସତ୍ୟ ନାୟକ। ଦୁର୍ଘଟଣା ପୂର୍ବରୁ କାମ ଚାଲିଥିବା ସ୍ଥାନରୁ ଅନେକ ଛୋଟ ଛୋଟ ଭିଡିଓ କରି ନିଜ ଘରଲୋକଙ୍କ ନିକଟକୁ ସେ ପଠାଇଥିଲେ । ସେହି ଭିଡିଓ ଗୁଡିକୁ ଦେଖି ଏବେବି ନିଜ କୋହ ସମ୍ଭାଳି ପାରୁ ନାହାନ୍ତି ପରିବାର ଲୋକେ ।
କେବଳ ସେତିକି ନୁହେଁ, ବିନା ସୁରକ୍ଷାରେ କାମ ଚାଲିଥିବା ମଧ୍ୟ ଅଭିଯୋଗ କରିଛନ୍ତି ମୃତ ସତ୍ୟଙ୍କ ପରିବାର। ମୃତ୍ୟୁ ପୂର୍ବରୁ ଏଭଳି ଅସୁରକ୍ଷିତ କାମ ଦେଖି ସତ୍ୟ ଭୟଭୀତ ଥିବା ମଧ୍ୟ କହିଛନ୍ତି ତାଙ୍କ ପତ୍ନୀ। ଗତ ୭ ତାରିଖ ଦିନ ରାଜଭବନ ପେଟ୍ରୋଲ ପମ୍ପରେ ବିସ୍ଫୋରଣ ହୋଇଥିଲା । ଏଥିରେ ଜଣଙ୍କ ମୃତ୍ୟୁ ଘଟିଥିବା ବେଳେ ୯ ଜଣ ଆହତ ହୋଇଥିଲେ । ତେବେ ଘଟଣାରେ କ୍ଷତିପୂରଣ ସହ ତଦନ୍ତ ଦାବି କରିଛନ୍ତି ସତ୍ୟ ନାୟକଙ୍କ ପରିବାର ।