ବାଟରୁ ପାଇଥିବା ଟଙ୍କା ଭର୍ତ୍ତି ବ୍ୟାଗକୁ ଫେରାଇ ଦେଲେ ଦମ୍ପତି

ସାଲେପୁର(ଓଡ଼ିଶା ରିପୋର୍ଟର): ବଞ୍ଚି ରହିଛି ମଣିଷପଣିଆ ଓ ସାଧୁତା। ଲକ୍ଷାଧିକ ଟଙ୍କା ଓ ସୁନା ଅଳଙ୍କାର ଭର୍ତ୍ତି ବ୍ୟାଗ ପାଇ ମଧ୍ୟ ଲୋଭର ବଶବର୍ତ୍ତୀ ହୋଇନାହନ୍ତି କଟକ ସାଲେପୁର ଅଂଚଳର ଏକ ଦମ୍ପତି। କଟକ ସାଲେପୁର ରାସ୍ତାରେ ବାଇକ୍‌ରେ ଆସୁଥିବାବେଳେ ସୁନା ଅଳଙ୍କାର ଓ ଟଙ୍କା ଭର୍ତ୍ତି ଥିବା ଏକ ବ୍ୟାଗ୍ ପାଇଥିଲେ ବିଜୟାନନ୍ଦ ମହାନ୍ତି ଓ ତାଙ୍କ ପତ୍ନୀ ।

ବ୍ୟାଗ ଭିତରେ ଥିବା ଏକ ମୋବାଇଲ୍ ଫୋନରୁ ନମ୍ବର ସଂଗ୍ରହ କରି ବ୍ୟାଗ୍‌ଟି କଟକ କମିଶନରେଟ ପୋଲିସର ଜଣେ କନଷ୍ଟେବଳଙ୍କର ବୋଲି ଜାଣିପାରିଥିଲେ।

ଏହାପରେ ସେମାନେ ଟଙ୍କା ଓ ସୁନା ଅଳଙ୍କାର ଥିବା ବ୍ୟାଗ୍‌ଟିକୁ ସମ୍ପୃକ୍ତ କନଷ୍ଟେବଳଙ୍କୁ ଫେରାଇ ଦେଇଛନ୍ତି। ବିଜୟାନନ୍ଦଙ୍କ ଏହି ବଦାନ୍ୟତା ପାଇଁ କଟକ ଡିସିପି ଅଖିଳେଶ୍ୱର ସିଂହ ତାଙ୍କୁ ସମ୍ମାନିତ କରିଛନ୍ତି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।