ବସିଜିମ୍‌ ଥିଓରୀ: ତଥାଗତ କହିଲେ-ମୁଁ କାହାର ଚାକର ନୁହେଁ, ମୋର କେହି ବସ୍ ନାହାଁନ୍ତି

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ସଂସର ସେଣ୍ଟ୍ରାଲ୍ ହଲ୍&zwnj;ରେ ବିଜେଡି ସାଂସଦଙ୍କ ଏକ&nbsp; ଫଟୋକୁ ନେଇ ସାମନ୍ନାକୁ ଆସିଛି ବସିଜିମ ଥିଓରୀ। ଫଟୋରେ ଆଗ ଧାଡ଼ିରେ ବସିଛନ୍ତି ଦୁଇ ବରିଷ୍ଠ ସାଂସଦ ତଥାଗତ ସତପଥୀ ଓ ପ୍ରସନ୍ନ ଆଚାର୍ଯ୍ୟ। ତାଙ୍କ ପଛ ଧାଡିରେ ବସିଛନ୍ତି ବିଜେଡି ସଂସଦୀୟ ଦଳ ନେତା ଭର୍ତ୍ତୃହରି ମହତାବ ଓ ଦଳରୁ ନିଲମ୍ବିତ ହୋଇଥିବା ସାଂସଦ ବୈଜୟନ୍ତ ପଣ୍ଡା। ଲୋକସଭାରେ ବୈଜୟନ୍ତଙ୍କୁ ଅଲଗା ବସାଇବାକୁ ବାଚସ୍ପତିଙ୍କୁ ଭର୍ତ୍ତୃହରିଙ୍କ ଚିଠି ପରେ ଏହି ଫଟୋ ଦୁଇ ଦିନ ତଳେ ସୋସିଆଲ ମିଡିଆରେ ଭାଇରାଲ ହୋଇଥିଲା। ଫଟୋଟିକୁ ଟ୍ୱିଟରରେ ଛାଡ଼ି ଥିଲେ ନିଜେ ସାଂସଦ ତଥାଗତ। ଏହାପରେ ତଥାଗତଙ୍କ ଜଣେ ଫଲୋୟର୍&zwnj; ପ୍ରଶ୍ନ କରି ଲେଖିଥିଲେ-ଏହି ଫଟୋ ଦେଖିଲେ ଛାମୁ ରାଗି ଯିବେନି ତ? ଆଉ ଜଣେ ଫଲୋୟର ପ୍ରଶ୍ନ ପଚାରିଲେ ଛାମୁଙ୍କ ବସ୍&zwnj; ରାଗିପାରନ୍ତି। ନିଜ ଫଲୋୟରଙ୍କ ଟ୍ୱିଟ୍&zwnj;ର ଉତ୍ତରରେ ତଥାଗତ ଲେଖିଛନ୍ତି-&ldquo;ମୁଁ କାହାର ଚାକର ନୁହେଁ। ଏବେ କି କେବେ ବି ମୋର କେହି ବସ୍ ନାହାଁନ୍ତି। ଜୀବନଟା ଛୋଟ, ତେଣୁ କାହା ଭୟରେ ମୁଁ ବଞ୍ଚିବାକୁ ଚାହାଁ ନାହିଁ।&rdquo;</p> <p>ସେହିପରି ଦ୍ୱିତୀୟ ଫଲୋୟରଙ୍କ ଟ୍ୱିଟର ଉତ୍ତରରେ ତଥାଗତ ଲେଖିଛନ୍ତି-&ldquo;ସରି ଜଣେ ନୁହଁନ୍ତି, ଲକ୍ଷ ଲକ୍ଷ ଓଡ଼ିଆ ଖାସ୍&zwnj; କରି ଢେଙ୍କାନାଳ-ଅନୁଗୋଳବାସୀ ହେଉଛନ୍ତି ମୋର ବସ୍&zwnj;। ସେମାନଙ୍କ ପାଖରେ ମୁଣ୍ଡ ନୁଆଁନ୍ତି।&rdquo;</p> <p>ସାଂସଦ ତଥାଗତଙ୍କ ଏପରି ଉତ୍ତରକୁ ସ୍ୱାଗତ କରିଛନ୍ତି ଢେଙ୍କାନାଳବାସୀ। ଜନପ୍ରତିନିଧିଙ୍କ ବସ୍&zwnj; ହେଉଛନ୍ତି ଲୋକେ। ସେଥିପାଇଁ ସେମାନଙ୍କ କଥା ବୁଝିବେ ସେ (ସାଂସଦ) ଏବଂ ଲୋକମାନେ ମଧ୍ୟ ତାଙ୍କ କଥା ବୁଝିବେ।</p> <p>କିଛି ବର୍ଷ ତଳେ ବ୍ରହ୍ଣପୁରରେ ଏକ ସାଧାରଣ ସଭାରେ ମନ୍ତ୍ରୀ ସୂର୍ଯ୍ୟନରାୟଣ ପାତ୍ରଙ୍କ ଚାକର ଉପଖ୍ୟାନ ରାଜ୍ୟ ରାଜନୀତିରେ ବେଶ ଚର୍ଚ୍ଚା ସୃଷ୍ଟି କରିଥିଲା। ଏହାର ଅଳ୍ପ କିଛି ଦିନ ତଳେ ବିଜେଡି ସାଂସଦ କଳିକେଶ ସିଂହଦେଓ ଓଟିଭିର ଫୋର୍ ସାଇଟ୍ କାର୍ଯ୍ୟକ୍ରମରେ &ldquo;ଜୀ ହଜୁରୀ&rdquo; ଉପାଖ୍ୟାନ ସାମ୍ନାକୁ ଆଣିଥିଲେ।</p> <p>ସେ କହିଥିଲେ-&ldquo;ଏବେକାର ରାଜନୀତିରେ ପ୍ରଧାନମନ୍ତ୍ରୀ କି ମୁଖ୍ୟମନ୍ତ୍ରୀମାନେ ହେଉଛି ଆବ୍&zwnj;ସଲ୍ୟୁଟ ବସ୍&zwnj;। ତାଙ୍କ ହାତରେ ନେତାଙ୍କ କ୍ୟାରିୟର। ଟିକେଟ୍ ସବୁ ରହୁଥିବାରୁ ଜୀ ହଜୁରୀ ଛଡ଼ା ଅନ୍ୟ ବାଟ ନାହିଁ।&rdquo;</p> <p>ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିବ ଭି.କାତ୍ତିକେୟନ୍&zwnj; ପାଣ୍ଡିୟାନଙ୍କୁ ନେଇ ଦଳରେ ବଢୁଛି ଅସନ୍ତେଷ। ଆଉ ଏବେ ବସିଜିମ୍&zwnj;କୁ ନେଇ ଦଳରେ ନେତା ଅତିଷ୍ଠ ହେବାର ସଙ୍କେତ ଦେଉଛନ୍ତି। ତେବେ ଏସବୁ ଆଗକୁ ବିଜେଡି ବସ୍&zwnj;ଙ୍କୁ କେତେ ଅଡୁଆରେ ପକାଉଛି, ତା ଉପରେ ସମସ୍ତଙ୍କ ନଜର ରହିଛି।</p> <p>&amp;nbsp;</p>