ଭୁବନେଶ୍ୱର: ଆନ୍ତର୍ଜାତିକ ବାଲୁକା ଶିଳ୍ପୀଙ୍କୁ ମୁଖ୍ୟମନ୍ତ୍ରୀ ସମ୍ୱର୍ଦ୍ଧନା ଜଣାଇଛନ୍ତି। କୋଣାର୍କରେ ଶେଷ ହୋଇଥିବା ଆନ୍ତର୍ଜାତିକ ବାଲୁକା କଳା ମହୋତ୍ସବ ପାଇଁ ବାଲୁକା ଶିଳ୍ପୀମାନେ ଓଡ଼ିଶା ଆସିଥିଲେ। ସେମାନେ ମୁଖ୍ୟମନ୍ତ୍ରୀଙ୍କୁ ଭେଟି ଓଡ଼ିଶାରେ ନିଜ ଅଭିଜ୍ଞତା ସଂପର୍କରେ ଜଣାଇଥିଲେ। ଓଡ଼ିଶାର କଳା ସଂସ୍କୃତି ଓ ଆତିଥ୍ୟକୁ ବାଲୁକା ଶିଳ୍ପୀମାନେ ପ୍ରଶଂସା କରିଥିଲେ। ଏହି ଅବସରରେ ମୁଖ୍ୟମନ୍ତ୍ରୀ ୫ଜଣ ଆନ୍ତର୍ଜାତିକ ବାଲୁକା ଶିଳ୍ପୀଙ୍କୁ ସମ୍ୱର୍ଦ୍ଧିତ କରିଥିଲେ। ସଂସ୍କୃତି ଓ ପର୍ଯ୍ୟଟନ ମନ୍ତ୍ରୀ ଅଶୋକ ପଣ୍ଡା, ପର୍ଯ୍ୟଟନ ବିଭାଗର ପ୍ରମୁଖ ସଚିବ ଗଗନବିହାରୀ ଧଳ ଏବଂ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ଉପସ୍ଥିତ ଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।