ଇତିଶ୍ରୀ ମାମଲାର ଇତି: କୁଆଡ଼େ ଗଲା ନୀଳ ଜିନ୍ପ୍ୟାଣ୍ଟ ପିନ୍ଧା ହତ୍ୟାକାରୀ? ସିବିଆଇର ସରେଣ୍ଡର!
- Published: Friday, 24 November 2017
- , Updated: 24 November 2017, 05:22 PM IST
<p><strong>ଭୁବନେଶ୍ୱର</strong><strong> (ଓଡ଼ିଶା ରିପୋର୍ଟର): ପ୍ରାୟ ୫ ବର୍ଷ ଧରି ତନାଘନା। ସିବିଆଇର ମାରାଥନ ତଦନ୍ତ। ସର୍ବୋଚ୍ଚ ନ୍ୟାୟାଳୟର ହସ୍ତକ୍ଷେପ। ତା’ ପୂର୍ବରୁ କ୍ରାଇମବ୍ରାଞ୍ଚର ଖୋଳତାଡ଼। ରାଜ୍ୟଠାରୁ ଆରମ୍ଭ କରି କେନ୍ଦ୍ରର ସର୍ବୋଚ୍ଚ ତଦନ୍ତକାରୀ ସଂସ୍ଥା ଲାଗି ପଡ଼ିଥିଲେ। କହିବାକୁ ଗଲେ ତଦନ୍ତର ଅକ୍ଟୋପସ ପଞ୍ଝା ଭିତରେ ବହୁ ଚର୍ଚ୍ଚିତ ଟିକିରି ଶିକ୍ଷୟିତ୍ରୀ ଇତିଶ୍ରୀ ପ୍ରଧାନ ହତ୍ୟା ମାମଲା ଛନ୍ଦି ହୋଇଗଲା। ଲାଗୁଥିଲା ହତ୍ୟାକାରୀ ନିଶ୍ଚୟ ଧରା ପଡ଼ିବ। ଇତିଶ୍ରୀ ନ୍ୟାୟ ପାଇବେ</strong><strong>। </strong><strong>ହେଲେ ଇତିଶ୍ରୀ ହତ୍ୟାକାଣ୍ଡର ୪ ବର୍ଷ ପରେ ପରିଣତି ସ୍ୱରୂପ ଯେଉଁ ନିର୍ଣ୍ଣାୟକ ମୋଡ଼ରେ ପହଞ୍ଚିଲା, ତାହା ଖୁବ୍‌ ଆଶ୍ଚର୍ଯ୍ୟଜନକ। ଆଜି ଏହି ଘଟଣାରେ, ସିବିଆଇ ରିପୋର୍ଟ ଆଧାରରେ ସୁପ୍ରିମକୋର୍ଟ ମାମଲାଟିକୁ ବନ୍ଦ କରିଦେଇଛନ୍ତି। ଅଜ୍ଞାତ ଅଭିଯୁକ୍ତର ସୁରାକ ସିବିଆଇକୁ ମିଳି ନ ଥିବାରୁ କୋର୍ଟ ମାମଲା ବନ୍ଦ କରିଦେଇଛନ୍ତି। ପୂର୍ବରୁ ଇତିଶ୍ରୀ ମାମଲାରେ ୨ଟି ତଦନ୍ତ ରିପୋର୍ଟ ସିବିଆଇ ଦାଖଲ କରିଥିଲା</strong><strong>। </strong><strong>୨୦୧୭ ମସିହା ମେ ୧ ତାରିଖ ଫାଇନାଲ୍ ଷ୍ଟାଟସ୍ ଓ ଗତ ୧୭ ତାରିଖରେ ସୁପ୍ରିମକୋର୍ଟରେ କ୍ଲୋଜର ରିପୋର୍ଟ ଦାଖଲ ହୋଇଥିଲା।</strong></p>
<p><strong>ପ୍ରଶ୍ନ ଉଠୁଛି, ଘଟଣା ଦିନ ଯେଉଁ</strong><strong> ନୀଳ ଜିନ୍ ପ୍ୟାଣ୍ଟଧାରୀ ଆସି ଇତିଶ୍ରୀଙ୍କୁ ହତ୍ୟା କରିଥିବା ନେଇ ଅଭିଯୋଗ ଉଠିଥିଲା, ସେ କୁଆଡ଼େ ଗଲା। ଯଦି ସମ୍ପୃକ୍ତ ଅଜ୍ଞାତ ଅଭିଯୁକ୍ତର ସୁରାକ ମିଳିଲାନି, ତେବେ ହତ୍ୟାକାରୀ କିଏ ? ନା ରାଜନୈତିକ ଚାପରେ ସିବିଆଇର ତଦନ୍ତ ଶିଥିଳ ପଡ଼ିଗଲା</strong><strong>?</strong> <strong>ଏମିତି ଅନେକ ସନ୍ଦେହକୁ ନେଇ ଏବେ ଉଠିଛି ପ୍ରଶ୍ନ।</strong></p>
<p><strong>ସୂଚନା ଥାଉକି</strong><strong>, ରାୟଗଡ଼ା ଜିଲ୍ଲା କାଶୀପୁର ବ୍ଲକ୍ ଟିକିରି ସ୍କୁଲର ଠିକ୍କା ଶିକ୍ଷୟିତ୍ରୀ ଇତିଶ୍ରୀ ପ୍ରଧାନ ଗତ ୨୦୧୩ ମସିହା ଅକ୍ଟୋବର ୨୬ ତାରିଖରେ ସ୍କୁଲ ପରିସରରେ ଥିବା ହଷ୍ଟେଲରେ ବିଶ୍ରାମ ନେଇଥିଲେ। ଏହି ସମୟରେ କେହି ଜଣେ ନୀଳ ଜିନ୍ ପ୍ୟାଣ୍ଟ ପିନ୍ଧିଥିବା ବ୍ୟକ୍ତି ତାଙ୍କ ଉପରେ କିରୋସିନି ଢାଳି ନିଆଁ ଲଗାଇ ଦେଇଥିଲେ। </strong></p>
<p><strong><a href="">(image) </a>ଇତିଶ୍ରୀଙ୍କୁ ଗୁରୁତର ଅବସ୍ଥାରେ ଟିକିରି ପ୍ରାଥମିକ ସ୍ୱାସ୍ଥ୍ୟ</strong><strong>, ଏହାପରେ ରାୟଗଡା ଜିଲ୍ଲା ମୁଖ୍ୟ ଚିକିତ୍ସାଳୟ ଏବଂ ବିଶାଖାପାଟଣାର ଘରୋଇ ମେଡିକାଲରେ ଭର୍ତି କରାଯାଇଥିଲା। ସେଠାରେ ୪ ଦିନ ଧରି ଜୀବନ ଓ ମୃତ୍ୟୁ ସହ ସଂଗ୍ରାମ କରିବା ପରେ ଚିକିତ୍ସାଧୀନ ଅବସ୍ଥାରେ ୨୦୧୩ ନଭେମ୍ବର ୧ ତାରିଖରେ ଇତିଶ୍ରୀ ମୃତ୍ୟୁ ବରଣ କରିଥିଲେ। ଘଟଣା ଘଟିବା ପୂର୍ବରୁ ଇତିଶ୍ରୀ ସେହି ସ୍କୁଲର ପୂର୍ବତନ ପ୍ରଧାନଶିକ୍ଷକ ନେତ୍ରାନନ୍ଦ ଦଣ୍ଡସେନା ତାଙ୍କୁ ନିର୍ଯାତନା ଦେଉଥିବା ଥାନାରେ ଅଭିଯୋଗ କରିଥିଲେ। ରାଜ୍ୟ ସରକାର ଏହାର କ୍ରାଇମ୍‌ବ୍ରାଞ୍ଚ ତଦନ୍ତ ନିର୍ଦ୍ଦେଶ ଦେଇଥିଲେ। କ୍ରାଇମ୍‌ବ୍ରାଞ୍ଚ ତଦନ୍ତ ଆଧାରରେ ୨୦୧୬ ଏପ୍ରିଲ୍‌ ୨୬ ତାରିଖରେ ରାୟଗଡ଼ା ଜିଲ୍ଲା ଦୌରାଜଜ୍‌ ନେତ୍ରାନନ୍ଦ ଦଣ୍ଡସେନାଙ୍କୁ ଘଟଣାର ଷଡ଼ଯନ୍ତ୍ରକାରୀ ଦର୍ଶାଇ ଆଜୀବନ କାରାଦଣ୍ଡାଦେଶ ଦେଇଥିଲେ</strong><strong>।</strong></p>
<p><strong>ଇତିଶ୍ରୀ ନିଜ ମୃତ୍ୟୁକାଳୀନ ବୟାନରେ ପ୍ରଶାସନର ବହୁ ଅଧିକାରୀଙ୍କୁ ନିଜ ମୃତ୍ୟୁ ପାଇଁ ଦାୟୀ କରିଥିଲେ</strong><strong>। </strong><strong>ଏପରିକି ଜଣେ ଜିନ୍ ପିନ୍ଧା ଯୁବକ ଇତିଶ୍ରୀଙ୍କ ଉପରେ କିରୋସିନି ଢାଳିଥିବା ଅଭିଯୋଗ ଉଠିଥିଲା। ଷଡ଼ଯନ୍ତ୍ର ଅଭିଯୋଗର ମାମଲାର ଶୁଣାଣିରେ ରାୟଗଡ଼ା ଜିଲା ଦୌରାଜଜ୍‌ ଉପରୋକ୍ତ ରାୟ ଦେଇଥିଲେ।</strong><strong> ହେଲେ ପ୍ରକୃତ ହତ୍ୟାକାରୀଙ୍କୁ ଧରିବା ନେଇ ସିବିଆଇ ତଦନ୍ତ ପାଇଁ ସୁପ୍ରିମକୋର୍ଟରେ ମାମଲା ହୋଇଥିଲା। ରାଜ୍ୟ ସରକାର ଓ ଜିଲ୍ଲା ପ୍ରଶାସନର ଅବହେଳାକୁ ଦାୟୀ କରି ବାଙ୍ଗାଲୋରର ଆଇନ ଛାତ୍ରୀ ସୁଦୀପ୍ତା ଲେଙ୍କା ସୁପ୍ରିମକୋର୍ଟରେ ଏକ ଜନସ୍ୱାର୍ଥ ମାମଲା ରୁଜୁ କରିଥିଲେ। ପରେ ସୁପ୍ରିମକୋର୍ଟ ୨୦୧୪ ଜାନୁଆରି ୨୦ ତାରିଖରେ ଘଟଣାର ତଦନ୍ତ ସିବିଆଇକୁ ହସ୍ତାନ୍ତର କରିବାକୁ ନିର୍ଦେଶ ଦେଇଥିଲେ। </strong></p>
<p><strong>ସିବିଆଇ ତଦନ୍ତ ସମୟରେ ଇତିଶ୍ରୀଙ୍କ ମୋବାଇଲ କଲ୍ ରେକର୍ଡକୁ ଆଧାର କରି କିଛି ରାଜନେତା</strong><strong>, ସରକାରୀ କର୍ମଚାରୀ, ପୁଲିସ, ନେତ୍ରାନନ୍ଦଙ୍କ ସଂପର୍କୀୟ, ଇତିଶ୍ରୀଙ୍କ ସଂପର୍କୀୟଙ୍କୁ ମାରାଥନ ଜେରା କରିଥିଲା। ତଥାପି ଶେଷରେ କିରୋସିନି ଢାଳି ନିଆଁ ଲଗାଇଥିବା ନୀଳ ଜିନ୍‌ ପ୍ୟାଣ୍ଟ ପିନ୍ଧା ଯୁବକଙ୍କୁ ଚିହ୍ନଟ କରିପାରିଲା ନାହିଁ। ଆଉ ଶେଷରେ ଆଜି ସୁପ୍ରିମକୋର୍ଟରେ ଏହି ମାମଲାର ପୂର୍ଣ୍ଣଚ୍ଛେଦ ପଡ଼ିଛି। ଏହି ଘଟଣାରେ ଆଜି ଇତିଶ୍ରୀଙ୍କ ମାଆ ପ୍ରତିକ୍ରିୟା ରଖିଛନ୍ତି। କହିଛନ୍ତ- ହତ୍ୟାକାରୀ ଧରା ପଡ଼ିଥିଲେ ତାଙ୍କୁ ଫାଶି କିମ୍ବା ଶୁଳିରେ ଚଢ଼ା ଯାଇଥାନ୍ତା। ସେ କହିଛନ୍ତି ଯେ, ମୋ ଝିଅକୁ ନିଶ୍ଚିନ୍ତ ନ୍ୟାୟ ମିଳିବ। ତିନିବାର ସତ୍ୟ କରୁଛି, ମୋ ଝିଅକୁ ନିଶ୍ଚୟ ନ୍ୟାୟ ମିଳିବ। ଯଦି ସୁପ୍ରିମକୋର୍ଟରୁ ନ୍ୟାୟ ନ ମିଳିଲା ତେବେ ସବୁଠୁ ବଡ଼ ନ୍ୟାୟବାନ ଜଗନ୍ନାଥ ଅଛନ୍ତି। ମୁଁ ତାଙ୍କରିଠାରେ ଗୁହାରି କରିବି। ସେଇଠି ନିଶ୍ଚୟ ନ୍ୟାୟ ମିଳିବ ବୋଲି ସେ କହିଛନ୍ତି। </strong><strong>କୁହାଯାଏ ଆଇନର ହାତ ଲମ୍ବା। ଆଇନର ବୁଢିଆଣି ଜାଲରୁ କେହି ଖସିପାରିବେ ନାହିଁ। ହେଲେ ସେହି ଆଇନର ହାତ ଯେ ପ୍ରକୃତରେ କେତେ ଲମ୍ବା ତାହା ଇତିଶ୍ରୀ ଘଟଣାରୁ ହିଁ ପ୍ରମାଣିତ ହେଉଛି।</strong></p>
<p>https://youtu.be/bZfA9Pgk3Cg</p>
