କୋରାପୁଟ(ସୂର୍ଯ୍ୟ ପଣ୍ଡା): ରୋଜଗାରର ନୂଆ ପନ୍ଥା ଦେଖାଇଛି ପଣସ ଚିପ୍ସ। ଗତବର୍ଷ ଓରମାସ, ନାବାର୍ଡ ଓ କିଛି ସ୍ୱେଚ୍ଛାସେବୀ ସଂଗଠନର ମିଳିତ ଉଦ୍ୟମରେ କୋରାପୁଟ ଜିଲ୍ଲାର ବିଭିନ୍ନ ଅଂଚଳରେ ମହିଳା ଉତ୍ପାଦକ ଦଳକୁ ପଣସରୁ ଚିପ୍ସ ତିଆରି ପ୍ରକ୍ରିୟା ସଂପର୍କରେ ତାଲିମ ଦିଆଯାଇଥିଲା। ତେବେ ଚଳିତବର୍ଷ ଜିଲ୍ଲାରରୁ ପାଖାପାଖି ୧୦ ଟନ ପଣସ ଚିପ୍ସ ତିଆରି ଲକ୍ଷ୍ୟ ରଖାଯାଇଥିବା ଓରମାସ୍ ଜିଲ୍ଲା ଅଧିକାରୀ ରୋଶନ କାର୍ତ୍ତିକ ଜଣାଇଛନ୍ତି।
କୋରାପୁଟ ଜିଲ୍ଲାର ବିଭିନ୍ନ ଅଂଚଳରେ ପ୍ରଚୁର ମାତ୍ରାରେ ପଣସ ଫଳୁଛି। ଏହାକୁ ପୂର୍ବରୁ ଗାଁ ଲୋକେ ଅତି କମ୍ ଦାମରେ ପଡ଼ୋଶୀ ରାଜ୍ୟର ବ୍ୟବସାୟୀଙ୍କ ହାତକୁ ଟେକି ଦେଉଥିଲେ। ଯାହାଫଳରେ ପଣସ ବେପାରୀମାନେ ମାଲାମାଲ ହେଉଥିଲେ। କିନ୍ତୁ ଗରିବ ଆଦିବାସୀମାନଙ୍କ ଆର୍ଥିକ ସ୍ଥିତିରେ କୌଣସି ପରିବର୍ତ୍ତନ ହେଉନି। ତେବେ ଗତବର୍ଷଠାରୁ ଆରମ୍ଭ ହୋଇଥିବା ପଣସ ଚିପ୍ସ ପ୍ରଣାଳୀ ଗ୍ରାମବାସୀଙ୍କୁ ଆଣିଦେଇଛି ରୋଜଗାରର ନୂଆ ଏକ ପନ୍ଥା। କୋରାପୁଟ ମାଟିରୁ ଏହି ନୂଆ ଉତ୍ପାଦ ମାନ ବୃଦ୍ଧି କରିବା ଦିଗରେ ନାବାର୍ଡ ସହାୟତାର ହାତ ବଢାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
