ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର:(ଓଡ଼ିଶା ରିପୋର୍ଟର): ଥାର୍ଡଫ୍ଲୋର ପଲିଟିକ୍ସ ଓ ପାଣ୍ଡିଆନଙ୍କୁ ନେଇ ଚର୍ଚ୍ଚା ଭିତରେ ସଚିବାଳୟ ପ୍ରବେଶ ପାଇଁ ଗଣମାଧ୍ୟମ ଉପରେ ଲାଗିଲା ସରକାରୀ କଟକଣା। ତେବେ ଆଜି ପଯର୍ୟନ୍ତ ବିନା ପାସ୍‌ଧାରୀ ସାମ୍ବାଦିକ ବି ସଚିବାଳୟ ଯାଇ ପାରୁଥିଲା ବେଳେ ହଠାତ୍ ସରକାରଙ୍କ ନିଷ୍ପତ୍ତି ପଛରେ ବି ଥାର୍ଡ ଫ୍ଲୋର୍ ଗୁପ୍ତ ନିର୍ଦ୍ଦେଶ ନାହିଁ ତ? ଏ ନେଇ ଚର୍ଚ୍ଚା ହେଉଛି । ତେବେ ସରକାରଙ୍କ ଏଭଳି ଆଚରଣ, ଗଣମାଧ୍ୟମର କଣ୍ଠରୋଧର ପ୍ରଥମ ପଦକ୍ଷେପ ନୁହେଁ ତ ବୋଲି ପ୍ରଶ୍ନ ଉଠିଛି ? ଆସନ୍ତାକାଲିଠାରୁ ବିନା ପାସ୍‌ରେ ପ୍ରବେଶ ଅନୁମତି ଦିଆଯିବ ନାହିଁ ବୋଲି ରୋକଠୋକ୍ ଚେତାବନୀ ଦେଲେ ସୁରକ୍ଷାକର୍ମୀ। ତେବେ ଗଣମାଧ୍ୟମ ଉପରେ ସଚିବାଳୟର ହଠାତ୍ କାହିଁକି ଏ ରୋଷ ? କାହିଁକି ଏଭଳି ନିଷ୍ପତ୍ତି ? ଗତ ଶୁକ୍ରବାର ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିବ ପାଣ୍ଡିଆନଙ୍କ ପ୍ରତିକ୍ରିୟା ନେବାକୁ ଚେଷ୍ଟା କଲା ବେଳେ ଏଭଳି କଟକଣାର ଧମକ ଦେଇଥିଲେ ଥାର୍ଡଫ୍ଲୋର୍ କର୍ମଚାରୀ। ଯାହାକୁ ଆଜି କାର୍ଯ୍ୟକାରୀ କରାଯାଇଥିବା କୁହାଯାଉଛି ।</p> <p>ଗୋଟିଏ ପଟେ ସରକାର ଜନସାଧାରଣଙ୍କ ନିକଟକୁ ପହଞ୍ଚିବାକୁ ସୋସିଆଲ୍ ମିଡିଇାଠାରୁ ଆରମ୍ଭ କରି ଅନ୍ୟାନ୍ୟ ମାଧ୍ୟମରେ ରୀତିମତ ଉଦ୍ୟମ କରୁଛନ୍ତି। ହେଲେ ପ୍ରଶ୍ନ ସରକାରୀ କଳ ଓ ଲୋକଙ୍କ ମଧ୍ୟରେ ସେତୁ ଭଳି କାମ କରୁଥିବା ଗଣମାଧ୍ୟମ ଉପରେ ଏ କଟକଣା ଦ୍ୱାରା ସରକାରଙ୍କର କେଉଁ ଉଦ୍ଦେଶ୍ୟ ସାଧିତ ହେବାକୁ ଯାଉଛି । ନା ଜଣେ ବ୍ୟକ୍ତିବିଶେଷଙ୍କୁ ଖୁସି କରାଇବାକୁ ଏ ଉଦ୍ୟମ ? ତେବେ ଉତ୍ତର କେହି ଦେବାକୁ ନାରାଜ୍। ହଠାତ୍ ସଚିବାଳୟ ପ୍ରବେଶକୁ ନେଇ କାହିଁକି ଗଣମାଧ୍ୟମ ଉପରେ ଲାଗିଲା କଟକଣା? ଏ ନିର୍ଦ୍ଦେଶ କାହାର, ସୂଚନା ଓ ଲୋକସମ୍ପର୍କ ବିଭାଗ ନା ଗୃହ ବିଭାଗର ? ଏ ନେଇ କୌଣସି ବିଭାଗୀୟ ଅଧିକାରୀ ସନ୍ତୋଷଜନକ ଉତ୍ତର ଦେଇ ପାରୁ ନାହାଁନ୍ତି । ଏଥିରୁ ସ୍ପଷ୍ଟ ଅନୁମେୟ ଗଣମାଧ୍ୟମର କଣ୍ଠରୋଧ କରିବାକୁ ସଚିବାଳୟର କେଉଁଠୁ ନା କେଉଁଠୁ ପ୍ରୟାସ ଆରମ୍ଭ ହୋଇଛି ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
