ସୁଧୁରିଲା କାଳିଆ ସ୍ୱାସ୍ଥ୍ୟାବସ୍ଥା; ଆସିଲା ସ୍ୱତନ୍ତ୍ର ୱାର୍ଡକୁ 

<p>ଭୁବନେଶ୍ୱର: ଧୀରେ ଧୀରେ ସୁସ୍ଥ ହେଉଛନ୍ତି ଜଗା,କାଳିଆ। ଗତକାଲି ଏମ୍ସର ନ୍ୟୁରୋ ଆଇସିୟୁରୁ ସ୍ୱତନ୍ତ୍ର ଓ୍ୱାର୍ଡକୁ ଆସିଛି କାଳିଆ। କାଳିଆକୁ ଟ୍ରାକିଓଟୋମି କରାଯିବା ପରେ ତାକୁ ତରଳ ଖାଦ୍ୟ ଦିଆଯିବ ବୋଲି ଚିକିତ୍ସା କରୁଥିବା ଡାକ୍ତରୀ ଟିମ୍ ସୂଚନା ଦେଇଛନ୍ତି।</p> <p>ଜଗାର ଅବସ୍ଥା ପୂର୍ବାପେକ୍ଷା ଆହୁରି ସୁଧିରିଥିବା ଲକ୍ଷ୍ୟ କରାଯାଇଛି। ପରସ୍ପରଠାରୁ ଅଲଗା ହେବା ପରେ ଜଗା-କାଳିଆ ଉଭୟେ ଏବେ ଓ୍ୱାର୍ଡରେ ଚିକିତ୍ସାଧୀନ ଅଛନ୍ତି। ତେବେ କାଳିଆ ଅପେକ୍ଷା ଜଗାର ସ୍ୱାସ୍ଥ୍ୟବସ୍ଥା ଶୀଘ୍ର ସୁଧୁରୁଥିବା ଡାକ୍ତରୀ ଟିମ୍ ସୂଚନା ଦେଇଛନ୍ତି।</p> <p>ସୂଚନାଯୋଗ୍ୟ, ଗତ କିଛିଦିନ ତଳେ ଏମ୍ସରେ &nbsp;କନ୍ଧମାଳ ମିଲୁପଡ଼ାର ଯୋଡ଼ାମୁଣ୍ଡ ଶିଶୁ ଜଗା଼,କାଳିଆଙ୍କ ବିରଳ ଅସ୍ତ୍ରୋପଚାର କରାଯାଇଥିଲା।</p> <p>ଜଗା,କାଳିଆଙ୍କ ସମ୍ପର୍କରେ ପ୍ରଥମେ ଓଟିଭିରେ ଖବର ପ୍ରସାରଣ ହୋଇଥିଲା। ଏହା ଦେଖି ସହାୟତାର ହାତ ବଢ଼ାଇଥିଲେ ରାଜ୍ୟ ସରକାର। ଗତ ଜୁଲାଇ ୧୩ ତାରିଖରେ ଦିଲ୍ଲୀର ଏମ୍ସକୁ ଉଭୟଙ୍କୁ ପଠାଯାଇଥିଲା। ମୁଖ୍ୟମନ୍ତ୍ରୀଙ୍କ ପାଣ୍ଠିରୁ ପ୍ରାଥମିକ ପର୍ଯ୍ୟାୟରେ ସେମାନଙ୍କ ଚିକିତ୍ସା ଲାଗି ୧ କୋଟି ଟଙ୍କା ସହାୟତା ରାଶି ଘୋଷଣା କରାଯାଇଥିଲା।</p>