୪୦ ବର୍ଷ ପରେ…ବାଘୁଣୀ ଖଇରୀକୁ ଝୁରୁଛି ମା ନିହାର ନଳିନୀ

କଟକ(ଓଡ଼ିଶା ରିପୋର୍ଟର): ଖଇରୀ । ଅଶୀ ଦଶକର ଏକ ଚର୍ଚ୍ଚିତ ନାଁ। ସେ ମଣିଷ ନଥିଲା । ତଥାପି ମଣିଷର ନିରବଛିନ୍ନ ସ୍ନେହ ଆଉ ଶ୍ରଦ୍ଧା ପାଇ ଭୁଲିଯାଇଥିଲା ନିଜ ଭିତରେ ଥିବା ସହଜାତ ହିଂସ୍ର ପ୍ରବୃତ୍ତିକୁ। ପଶୁ ହୋଇ ବି ବନିଯାଇଥିଲା ମଣିଷର ସାଥୀ। ଆଜି କିନ୍ତୁ ସେହି ବାଘୁଣି ଖଇରୀ ଅଛି । କେବଳ ସ୍ମୃତିର ଖିଅ ହୋଇ। ଖଇରୀକୁ ଯିଏ ସନ୍ତାନ ଭଳି ପାଳି ପୋଶି ବଡ଼ କରିଥିଲେ, ଆଜି ସେ ବୟସର ଅପରାହ୍ନରେ । ଝୁରୁଛନ୍ତି ଖଇରୀକୁ। ଖଇରୀ ସହ ବିତିଯାଇଥିବା ମଧୂର ମୁହୂର୍ତ୍ତ ସବୁକୁ ଗୋଟି ଗୋଟି କରି ମନେପକାଉଛନ୍ତି ସେ । ସେ ହେଉଛନ୍ତି ଖଇରୀର ମା ନିହାର ନଳିନୀ ସ୍ୱାଇଁ। ବୟସର ଅପରାହ୍ନରେ ଆଜି ନିହାର ନଳିନୀ ସ୍ୱାଇଁ।

ଯିଏ ମହାବଳ ବାଘୁଣୀକୁ ପାଳି ପୋଶି ବଡ଼ କରିଥିଲେ । ସ୍ନେହ, ଶ୍ରଦ୍ଧା ଆଉ ଆତ୍ମୀୟତାର ବନ୍ଧନ ଭିତରେ ବାନ୍ଧି ରଖିଥିଲେ । ଆଉ ସେହି ବାଘୁଣୀର ନାଁ ରଖିଥିଲେ ଖଇରୀ । ଆଜି ଖଇରୀ ଚାଲିଯିବାର ୪୦ ବର୍ଷ ବିତିଗଲାଣି । ତଥାପି ଭୁଲିପାରୁନାହାଁନ୍ତି ତାକୁ।

୧୯୭୪ର କଥା। ଶିମିଳିପାଳ ବ୍ୟାଘ୍ର ପ୍ରକଳ୍ପର ତତ୍କାଳୀନ ନିର୍ଦ୍ଦେଶକ ତଥା ସ୍ୱାମୀ ସରୋଜ ରାୟ ଚୌଧୁରୀଙ୍କ ସହ ଖଇରା ନଦୀ କୂଳରେ ବୁଲୁଥିଲେ ନିହାର ନଳିନୀ। ସେହି ସମୟରେ ଦେଖିବାକୁ ପାଇଥିଲେ ଏକ ବାଘ ଛୁଆକୁ । ତାକୁ ଘରକୁ ଆଣି ପାଳିପୋଶି ବଡ଼ କରିଥିଲେ। ଖଇରା କୂଳରୁ ପାଇଥିବାରୁ ନାଁ ରଖିଥିଲେ ଖଇରୀ। ଧିରେ ଧିରେ ଘରର ସଦସ୍ୟ ବନିଯାଇଥିଲା ଖଇରୀ। ପିଲାଠୁ ବୟସ୍କ, ଗାଁରୁ ସହର। ସମସ୍ତଙ୍କ ଭିଡ଼ ଜମୁଥିଲା ଖଇରୀକୁ ଦେଖିବା ପାଇଁ । ୭ ବର୍ଷ ଧରି ମଣିଷ କୋଳରେ ବଢ଼ିଥିଲା ମଣିଷ ଭଳି। ୧୯୮୧ ମସିହାରେ ରେବିଜ୍‌ରେ ପୀଡ଼ିତ ଖଇରିକୁ ଦିଆଯାଇଥିବା ଟ୍ରାଙ୍କୁଲାଇଜରର ପରିମାଣ ଅଧିକ ହୋଇଯିବାରୁ ସେ ସମସ୍ତଙ୍କୁ କନ୍ଦାଇ ଆରପାରିକୁ ଚାଲିଯାଇଥିଲା।

ଆଜି ବିତିଯାଇଛି ୪ ଦଶନ୍ଧି । ସ୍ୱାମୀ ସରୋଜ ବି ଆଉ ନାହାଁନ୍ତି। ପିଲାପିଲି ନଥିବାରୁ ୯୦ ବର୍ଷ ବୟସରେ ବୃଦ୍ଧାଶ୍ରମରେ ବଳକା ଆୟୁଷ କାଟୁଛନ୍ତି ନିହାର ନଳିନୀ। ଆଉ କୋଳେଇ କାଖେଇ ବଡ଼ କରିଥିବା ଖଇରୀକୁ ମନେ ପକାଉଛନ୍ତି ।

ଆହୁରି ପଢ଼ନ୍ତୁ

‘ସୁଶାନ୍ତଙ୍କ ବାପା ଦ୍ୱିତୀୟ ବିବାହ କରିଥିବାରୁ ବାପ-ପୁଅଙ୍କ ମଧ୍ୟରେ ସମ୍ପର୍କ ଭଲ ନଥିଲା’

ଆସୁଛି ଆଉ ଏକ ଲଘୁଚାପ, ୫ ଦିନ ଧରି ପ୍ରବଳ ବର୍ଷିବ!

ପିଛା ଛାଡ଼ୁନି ଇଡି, ଖୁବଶୀଘ୍ର ବାପ-ଝିଅଙ୍କୁ ହେବ ମୁହାଁମୁହିଁ ଜେରା

‘ଓଟିଭି ବିରୋଧରେ ଲାଗିଥିବା ଦଫା ଗୁଡ଼ିକ ଗ୍ରହଣଯୋଗ୍ୟ ନୁହେଁ’

ଗୋଟିଏ ପରିବାରର ୧୧ ଜଣଙ୍କ ମୃତ ଦେହ ଉଦ୍ଧାର

କୁକୁର ସାମ୍ନାକୁ ଚାଲି ଆସିବାରୁ ଗଛରେ ପିଟି ହେଲା ବୋଲେରୋ!

ସୁଶାନ୍ତ ସିଂହ ଓ ତାଙ୍କ ବାପାଙ୍କ ସହ ସମ୍ପର୍କ ଠିକ୍ ନଥିଲା: ଶିବସେନା

କୋରାପୁଟରେ କରୋନା ନେଲା ଜୀବନ

ରାଜ୍ୟରେ କରୋନା ନେଲା ଆଉ ୧୩ ଜୀବନ

ସଞ୍ଜୟ ଦତ୍ତ ଲୀଳାବତି ହସ୍ପିଟାଲରେ ଭର୍ତ୍ତି

କେନ୍ଦ୍ରମନ୍ତ୍ରୀ ଅର୍ଜୁନ ରାମ ମେଘୱାଲ୍‌ଙ୍କୁ କରୋନା

ଖୋଲିବ ଆଉ ୬୫ଟି ନୂଆ ଜେଏମଏଫସି କୋର୍ଟ, ଅନୁମତି ଦେଲେ ହାଇକୋର୍ଟ